Nirukni hi Roman Catholic Khrihfabu hrauitu lu bik a simi Pope Francis cu a kum 80 tlinnak a si. A kum 80 tlinnak lunglawmh pitu hna nih ram kip in Birthday Wish e-mail an rak kuatmi hi a zate in 50,000 a si.
A kum 80 tlinnak birthday cu Vatican ah an tuah i, inn ngei lomi minung 8 zong a sawm chih hna i, hmun khat te ah thut tiin thaithawh dum tinak an ngei. Sunflower pangpar tum thum an rak put. Pope Francis hi Argentina a si bantukin Argentina rawl a dangh hna.
A danghmi hna chungah aa telmi hna cu orange juice, Nutella, meat, pastries tbk hna an si. Inn ngei lo a sawmmi hna hi pa 6 an si i, nu 2 a si. Vatican lei biachimtu nih an chimmi cu St. Peter Basilica pawng hrawnghrang ah a ummi hna an thim hna a ti.
Inn ngei lo hna khua le ram hna cu Italy in minung 4, Romania in pahnih, Moldova le Peru in pakhat veve an si. A birthday ni ah Birthday Wish a rak kuami hna hi mirang ram deuh lawng tein an si. Spanish, Italian le Latin tbk zong an i tel hna. Ref: CCN.