Laam zong a thiam i, hlasak zong a thiam taktakmi minthang Justin Bieber 22, cu Jesuh Khrih a zumh i, hrinthannak a co hnu cun a chungkhar le a hawile caah biatak tein zawnruahnak a ngei cang. A chungkhar an siah a hawile an siah Pathian an theih khawh cio nakhnga biatak tein cawnpiak aa zuam cang hna.
Vawleicung sualnak le that lonak in an luat cio i, amah bantukin Pathian dawtnak an theih khawhnak ding caah fak piin thlen aa zuam cang hna. Hrinthannak ka co cang a ti hi a luan cio kum hnih hrawngah khan a si i, hi hlan deuh hrawng hi harnak tampi a tong. Mi dang he siknak tbk zong a tong len.
Orlando Bloom he zong in an rak i vua hnihk. Asinain Pathian he kan i tong a ti hnu cun a nunnak ah thlennak a um. Ka nunnak ah daihnak a um cang, cun zumhnak hrimhrim zong ka ngei cang a ti. A chungkhar an siah a hawile an siah zawnruahnak taktak zong a ngeih cang hna. Keimah bantukin daihnak le lawmhnak ngei cio hna seh ti ka duh a ti.
Pastor Carl Lentz pawngah a um lengmang cang. A herh ning in bawmhnak zong pek khawh a zuam ve. New York ah a luan cio thla hnih khan Bible cawnpiak ding le chimh ding in a sawm. Tu kum tuan deuh hna ah khan cun a hmai tiang ah vailamtah tattoo aa suai. A zumhnak kong hi chim loin a um kho lo.
'Ka zumhnak hi chim loin ka um kho ti lo' tiah kum hramthok ah khan a chim. 'Jesuh Khrih bantukin um ka duh cang' tiah fiang tein a chim. 'Khrihfa ka si tiah ka chim tik paoh ah midang nih 'whoa' an ka ti lengmag' tiah midang nih an hmuh ning le an ruahnak kha GQ Magazine ah chim.
A luan cia a sining le tuanbia kong a chim tikah 'thil thalo lawng ka tuah. Pathian loin um ning law zeitluk in dah ka rak that lo chinchin hnga' a ti. Mipi sin bia a chim tikah a chimmi cu 'keimah ah nan zumhnak chia ti hlah u, zeicatiah keimah nih cun nan hnabei kan donghter lengmang ko hna lai' a ti i, Pathian leiah thazaang a pek cang hna. Ref: T CP.