Dr. Hre Kio nih 'Khrihfa Inn Chungkhar' timi phung a chimnak ah Indiana i Laimi khuasa
kong zeimawzat a chim i, misual bu ah aa telmi minung Lai mino 27 an si i, sianginn leiin Lai mino 9 an dawi cang hna tiah a chim. Nizan zong Lai mino thawngpang dawhcah lo kong kan vun theih than. Atu cun 70 leng an kai cang i, Lai ngaknu no tete zong an um len tiah theih a vun si.
kong zeimawzat a chim i, misual bu ah aa telmi minung Lai mino 27 an si i, sianginn leiin Lai mino 9 an dawi cang hna tiah a chim. Nizan zong Lai mino thawngpang dawhcah lo kong kan vun theih than. Atu cun 70 leng an kai cang i, Lai ngaknu no tete zong an um len tiah theih a vun si.
Indianapolis state hi misual bu an tamnak a si. Misual bu kut in chungkhar zong harsatnak an tong i, pumpak zong harsatnak an tong lengmang. An bu thithruai ning hi a tha ngai tiah theih a si. Hmun kip ah bu an i chia hna i, center lei tbk in rak tlai tu an um ve. A tengnge bantukin a runrun tete hmun kip ah misual bu an chiah dih hna. Ahodah misual an si ti theih zong an har i, kan ruah lomi minung zong kha misual bu chungtel an si kho lengmang ti a si.
Cucaah Indianapolis state chung kip khuate deuh paoh cu ralrin a hau ngai tiah ralrin peknak a um lengmang. Indiana State chungah khua 100 ah 50% hrawng khua ah hin misual bu an um pah dih cang ti a si. Cheukhat cu an fale sianginn kai ngam lo tiang in a ummi zong an um cang hna. Kan umnak khua kan chuah tak a hau ko cang a ti i, khua dang ah aa thialmi zong an tam cang. Cu tluk in an him ti hna lo.
Laimi mino cheukhat zong, cu bantuk misual bu dirhmun ah cun an phan ve cang tiah theih a vun si tikah thinphang ngai a si. Misual bu ah aa telmi Lai mino pawl hi ahodah an si? An khua khua zeidah an si timi theih an phu ngai. Zeiruangah dah misual bu chung tiang an luh ngam ning a si? An sifah caah maw a si? Umnak an ngeih lo caah maw a si? Riantuan an zuam lo caah dah a si timi ruah ding le hal ding a tam ngai.
Indianapolis ah hin Laimi khuasa hi 8000 - 10000 karlak hrawng an um lai tiah zumh a si. Hi tluk tiang in zeiruangah dah dirhmun an phak timi zong ruah awk a um ngai. Indianapolis hi Lai pafim le nufim an tamnak cem a si lai ti zong zumh a si. Bochanmi Laimi an umnak bik ah zeiruangah dah hi tluk tiang hi Laimi nih dirhmun kan phak timi zong ruah awk a um. Pakhat le pakhat tuanvo lak an i timh taktak cio hna lo caah dah hi tiang dirhmun an phak timi zong hal phu a si.
Community a thawn lo caah maw a si, Khrihfabu a thawn lo caah dah a si? State lei security upa le Laimi community lei upa karlak ah Laimi issue kong ceih tinak le khuakhan tinak an ngeih khawh bal lo caah dah a si? Laimi community upa le state law enforcement upa karlak ah theihthiamnak tuah i, hi bantuk dirhmun ah a phanmi Laimi mino paoh cu reportnak tuah i, hma lak colh lengmang hi a herh ngaimi a si. Nu le pa, community upa le state law enforcement upa tan ti khawhnak lam nih kan Lai mino tampi a runven hna lai.
Hmuh ning le theihmi cio comment pe hna u sih law Laimi vialte caah thathnemter hna u sih!