President thimmi Donald Trump nih nihnihni ah ExxonMobil chairman Rex Tillerson cu Secretary of State caah a thim tiah a team pawl nih thanhnak an tuah. US upa leiin duh lonak le lungtlinnak fak piin an vun langhter cio. A ruang an um len ve.
Rex hi zinaan company ah kum 41 chung riantuanmi a si i, atu cu an company ah chiarman zong a si. Russia President he zong in hawikawm tha ngai an si. Armed Services Committee ah chairman a simi Senator JOhn McCain nih cun Rex le Russia pehtlaihnak hi thinphang ngai a si tiah a chim.
Republican senator Marco Rubio zong nih nihnihni ah a chimmi cu Rex hi upattlak ngai a si ko nain secretary of state caah an thimmi cu a poi ngaimi a si tiah ka ruah a ti ve. Project on International Order and Strategy ah hruaitu a simi Thomas Wright nih cun 'US kan hawile tu kal tak in kan ral tu hna an pehtlaih sual te hna lai ti ka phang ngai' tiah a chim.
Rex nih Texas University ah bia a chim lioah a chimmi cu 'kum 15 chung Putin hi ka theihmi a si. Hawikawm tha ngai kan si' tiah a chim. 'Riantuan thiam ngaimi a si' tiah Russia zong nih Rex hi an thangthat ngai. Russia Order of Friendship' timi upatnak laksawng zong hi 2013 ah Putin nih a rak pek.
Asinain atu lio US Secretary of State a tuan liomi JOhn Kerry nih cun 'an thim thiam tuk' a ti ve. Tlamtling tein rian thlennak ah a um khawhnak ding ah kan dirkamh hna lai a ti. President thimmi Donald Trump nih 'Rex ka uar khunnak ruang cu 'ramdang cozah he kau piin aa theihngalmi a si pinah a riantuannak ah a hlawhtling ngaimi a si caah a si' a ti. Ref: VOA News.