New Jersey Gov. Chris Christie hi President thimmi Trump nih rian khinh a timh i a al lengmangmi a si. Chris hi Trump he caan sau pi chung aa kawmmi an si i, campaign an tuah lio zongah Trumpp ruahnak petu le bawmtu a si.
Trump nih rian pek a timhmi hi a tam ngai: Homeland Security, Italy ah ambassador thlah ding, Veterans Affairs secretary le a dangdang an si tiah chunglei kong a theimi nih CNN ah an chim. Asinain Chris nih al dih hna.
Christie nih a duhmi rian, Trump zong nih a kamh, an timi hi Attornel General a si. Asinain President thimmi Trump nih Alabama Senator Jeff Sessions sinah pek a timh diam cang. Inn Raang luh ding in timhnak an ngeih chungah Christie hi a lang tuk lo.
Governor Chris Christie hi a state chung politics ah a min chia ngai vemi a si. Tuan deuh zong ah khan Reince Priebus sinah pekmi Inn Raang pi i Chief of staff rian hi a rak i ruah chih cang. Asinain Trump nih Republican National Committee chairnman Reince sinah a pek khanh diam hoi.
Trump velchum ah cawlcangh khawh dawh a si ti lo pinah a state i office a tlaihmi rian zong a dih kum a si. Ref: CNN.