People’s Choice Awards 2017 ah muidawh, hlasak thiam Jennifer Lopez cu angki nak, tet, fual a vun i hruk i, aa dawh kho tuk. A ke dong tiang an phiak dih i, aa dawh i duh a nung kho tuk tiah mipi mit cu Lopez cungah an i fu dih. Asinain caan rau lo ah mual pho in a tuah diam!
Shades of Blue film aa zeihmi ah laksawng an pek i, a rak cohlan lio a si. Kum 47 a si cangmi Lopez cu a thil ruk nih a dawhter tuk. Stage cung i a laksawng a vun don hrimhrim ahcun a tleu in a tleu ko. Asinain TV Crime Drama Actress Award a lak dih i, stage cung in a vun tum lai te ah a hnulei liang cung zawn te ah a angki tlekmi camera nih an hmuhpiak diam!
A laksawng a lak pah ah tawite bia a chim, 'mipi nan cungah kaa lawm tuk' a ti. Laksawng a hmu lai tiah ruahmi hna cu Sophia Bush, Lucy Liu, Pauley Perrette le Mariska Hargitay an si, asinain Jennifer Lopez nih a co kanh hna. Asinain mipi hmai le camera hmai ah a angki nih a mual phoh cikcek diam. Ref: The sun.