January 20 a nai chin lengmang cang. President thimmi Donald Trump cu January 20 ah President Biakamnak a tuah cang lai. New York Post nih a report ning ahcun Israel Prime Minister Netanyahu zong i tel ve seh tiah Trump ruahnak petu nih an chim.
President thimmi Donald Trump le Prime Minister Netanyahu tonnak ding lam an kawl cuahmah lio a si. Trump team pawl zong nih khua an khan cuahmah lio a si tiah a chunglei kong a theimi nih an chim.
Israel PM Netanyahu nih January 20 ah Inn Raang ah Trump tel pi ding in a cohlan hna ahcun United States President Biakamnak tuahnak ah Israel PM a tuanmi vialte lakah aa tel hmasa bik a si lai.
Report nih a chimmi cu 'Trump fanu pasal Jared Kusher le official upa dangdang nih Netanyahu tel ve ding in an chim lengmang. January 20 ah kan tel pi ve seh tiah Trump an chim lengmang ti a si. Chunglei kong a theimi pakhat nih a chim thanmi cu 'Trump nih Netanyahu ton ding in timhnak a ngei' a ti.
Trump le Netanyahu karlak zong ah biaruahnak a um lengmang. Trump President biakamnak tuahnak ni le caan ah tel ve ding in PM Netanyahu zong nih a chim lengmang tiah chunglei kong thei nih an chim. Asinain Netanyahu he aa neihniam deuhmi nih cun 'tel ve ding in timhnak a ngei rih lo' tiah a chim. Ref: BNC News.