President thimmi Donald Trump le 2012 ah President a rak i cuhmi Mitt Romney cu nirukni ah an i tong lai. An i tonnak ruang hi ruahnak hal duh ah a si tiah a chunglei upa nih an chim.
Trump administration ah ahodah hruaitu thim ning an si lai timi ceih dawh an si tiah CBS news nih a chim.
Mitt Romney hi Massachusetts governor thing a si. Campaign chung vialte kha Trump a dohtu a rak si. Hi businessman pa hi 'mi hrokhrol a si' a rak ti bal. A chim thanmi cu 'Trump University degree san a tlaih lo tluk in Tump biakamnak zong hi santlai lo' a si tiah Romney nih a chim.
Romney nih a chim thanmi cu 'a pumpak miaknak duh ah American lente a kan celh pi. President a tlin ahcun hna a chet ngaimi lukhuh lawng pei kan ngah ko lai' tiah a chim chih.
2012 President a rak i cuh lioah khan cun Trump nih a rak tanpi. Asinain Trump caan ahcun soiseltu le dohnak ah a tang. Campaign a tuah lioah Trump nih uico bantukin a tahchun ve. Asinain Trump nih teinak a hmuh khan Mit Romney nih a conglawmh colh. 'President tha si ding in duhsaknak ngan pi kan ngeih' tiah Romney nih a tweet. Ref: CBS News.