Estibaliz Carranza, 38, cu nu thonginn ah chiah ding cun a tihnun tuk caah pa thonginn ah an chiah. 2012 ah nunchung thongthlak ding in a bia an khiahpiak. A pasal a ngei i, a thah; a dang a ngei than i a thah than. An pahnih in a kah hna i, an sa a can dih hna i, freeze ah a chiah hna.
A tangmi dangdang hna cu a dawr tang vawlei ah a phum hna. An thu lai i, an rimnam sual lai tiah thli chimnak in a chimter hna. Asinain kum khat a luan hnuah inn remh tu an hmuh. A zam nain Italy ah nawlngeitu nih an tlaih thiamthiam. A thahnak hna ruang cu nau an pawiter kho lo.
Biaceihnak zung ah a sualnak vialte a phuan dih. Austria Schwarzenau i nu thonginn ah thlak ding in bia an khiahpiak. Asinain nu thonginn ah um ding cun an tih caah pa thonginn ah thial ding in an timh lio a si. Pa thonginn ah chiah hmasa bik nu a si lai.
An chiahnak thonginn hi pa 91 an um. Thonginn zohkhanhtu chungah nurse 45 an si; zohkhanhtu 18 an um i, doctor 4 an um; thonginn congtu 8 an um tiah the mirror nih a tial chih.
2008 ah Carranza nih a pasal Holger cu computer a remh cuahmah lioah a hnulei in a rak kah. Kan i then hnu tiang ah Vienna kan inn a chuah tak duh lo. A sual i a thathu tuk fawn tiah biaceihnak zung ah a chim. Kum hnih a luan hnuah a tlangval Manfred Hinterberger zong a hlan bantukin a thah thiamthiam.
Ngaknu dang na ngei tiah a lunghrinh i voi tam tuk a lu ah meithal in a kah. A pathumnak tlangval a ngei than i an tlaih ni ah nau a pawi a theih. Thonginn a um chungah thitumnak zong an tuah i, nau zong a ngei i, atu cu a pa sinah a fapa cu a um. Ice Cream Killer ti zong in an auh. Thonginn chungah Business a cawn pah cuahmah lio a si.
'My Two Lives" The True Story of the Ice Lady' timi cauk a tial i, a pasal le a thahnak kong zong a tial hna. Ref: TNYP.