Rambo ti zong in kan theihmi, Rocky ti zong in kan theihmi, cun Thailand ramri zong ah Kawl ralkap that lonak film Rambo 4 (2008) minthang zong aa zeih i, ralkap cozah nih an huat tuk i, Kawlram chungah piah lo ding tiang in an khammi Sylvester Stallone 70, chan cu a ziam thluahmah cang.
An pa hi Oscar nominee ah voithum thim a si cang. Asinain kum 70 a tling cang. A fanu le caan a phan ve cang. Fanu pathum a ngei i, an pathum in an i dawh dih. Uar zong an um taktak hna. Sylvester Stallone cu dai tein a um caan a phan i, a fanu le minthan caan a si ve cang. A fanu le min cu Sophie, Sistine le Scarlet hna an si.
Sophia Rose hi kum 20 a si. 2012 ah a lung a that lo ruangah operation an rak tuah. Cu kum thiamthiam ahcun a ta Sage zong lung zawtnak in a rak thi. January thla ah Golden Globe laksawng petu ding ah thim an si. Laksawng an pek lio a chimmi cu 'Hello, kan lakah upa bik ka si bantukin phun dang cem in ka um. .....Sistine hi lam a thiam ngaimi a si...' a ti.
An pa nih Golden Globe ah laksawng pe ding in thim nan si tiah a chimh lio cu an i nuam tuk. 'Kan au i a tur in kan tur' tiah an unau in an chim.
An pa nih Golden Globe ah laksawng pe ding in thim nan si tiah a chimh lio cu an i nuam tuk. 'Kan au i a tur in kan tur' tiah an unau in an chim.
Sistine Rose Stallone hi kum 18 a si. Instagram ah zultu 127,000 leng a ngei. Ka pa minthannak nih hi tiang hi zultu ka ngeihnak a si. Ka pa movies kongah zarh khat ah voikhat paoh cu biahalnak ka tong lengmang a ti. Kan unau rual in kan duhmi aa khat ngai ko hna nain kan style cu aa dang cio hna tiah mipi hmaiah a chim.
Scarlet Rose Stallone hi kum 14 a si. An nau hniang cem a si. Golden Globe laksawng petu ding ah thimmi vialte lakah a hngachia bik a si. 1982 ah Laura Dern 15 cu an rak thim ve, asinain Scarlet kum khat in a hngakchia deuh. A pa Instagram in mipi nih an theih bik. A pa bantukin lentecelh leiah a ti kho ngaimi a si. Ref: Fox News.