Nu pakhat he an tuah i, aa lim hlanah a condom aa phoih caah Swiss biaceihnak zung nih French pa cu tlaihhrem a si tiah sual an puh i, kum khat thogthlak ding in a bia an khiahpiak. Kum 47 pa cu Switzerland Criminal Court nih nikhatni ah khan tlaihhrem case in kum khat dan an pek.
Hi bantuk thil kongah biachahnak an tuahmi hi Switzerland ah a voikhatnak a si tiah kum 47 pa sihni Baptiste Viredaz nih a chim. Ngaknu he an i ton hi 2015 ah a rak si cang. Voi khat cu a ngaknu inn ah an kal i, pumaa pehtlaihnak tuah an i tim, asinain a ngaknu nih condom naa hruk a hau tiah a hnekchih lengmang.
Asinain an tuah cuahmah lioah cun a tlangval pa nih a condom cu aa phoih duak i, a tuah pi chih than thluahmah. An dih hnuah tiang zong ah a ngaknu nih a thei hlei lo. Asinain condom loin a ka tuah timi a theih tikah biaceihnak zung tiang an phaknak a si. Nu nih a chimmi cu 'condom loin tuah ding cu si seh law ka duh lai lo' a ti.
Switzerland upadi ah hin nu le pa nih sex tuah an duh tikah pa nih condom a hman lai timi ruah chih a si ko buin a hman lo si ahcun tlaihhrem ah ruahpiak a si. Cucaah atu bantuk thil an tonnak ruang zong a si. A hramthok in a dongh tiang phoih loin tuah pi seh law zeihmanh buainak a um ding a si lo. Ref: Independence.