Kum hnih chung an i um i daw le rem in caan sau ngai an um hnuah ruah lo piin aa then i, fak ngaiin aa ralmi nu-va Pitt le Jolie cu an fale kongah sau nawn te biaceihnak zung ah an buai hnuah hnatlaknak pakhat an tuah khawh i, cucu an pahnih in nikhatni zan an phuan.
Aa thenmi nu-va Pitt le Jolie nih hnatlaknak an tuah khawhmi cu kan i thennak kong le biaceihnak zung i an documents kong vialte hna hi kan fale zawnruah ah lengah pakhat hmanh kan chuahter lai lo tiah hnatlaknak an ngei kho. An fale kong a siah an chungkhar kong a siah biaceihnak zung pinah cun lengah chuahter hrim si ti hlah seh tiah a si.
Tuan deuh ah khan Brad Pitt nih Jolie zong fak ngaiin mah ruangah hin a mawhchiat cang. Media le mipi theih in kan i thennak le kan fale zong na phuan le na langhter a herh lo a rak ti. Jolie nih cun 'a chunglei thil biatak a lang sual lai ti na tih caah a si' tiah a rak leh ve. Cu hnu cun Pitt nih fak chin lengmang in a doh cang.
Jolie nih a fale vialte hi amah sinah umter le zohkhanh a duh hna. Biaceihnak zung nih fek tein ka hrenpiak hna seh ti a duh, asinain Brad Pitt zong nih a duh ve. Atu cu an pahnih in an fale hi an i hrawm khawh i, an zohkanh ti khawhnak ding ah an i zuam cuahmah lio a si. Asinain Brad Pitt cu a fale len caan dah ti lo cu an nawlngeihnak a ngei rih lo. Ref. CNN.