President thimmi Donald Trump nih kan ramchung sungthoh bu thathnemnak le a biapitnak a theihthiam khawh lomi le a upat khawh lomi nih kan ram hi a tihnung tukmi le thinphan awktlak ngaimi dirhmun ah a umter tiah CIA director nih a chim.
President thimmi Trump a siah cozah thar an siah an theih awk ah a herh ngaimi cu kan vawlei hi a tihnung tukmi a si ti hi an theih i an cohlan awk a si. Kan ram himnak zong sungthoh bu cungah a um timi le kan ram zong a tihnungmi vawlei in kan runvennak khawhnak zong sungthoh bu cungah aa hngat timi hi a theih ding a si tiah a chim chih.
Sungthoh bu riantuannak a theithiam lo i, a cohlang kho lomi cozah nih kan ram hi a tihnung tukmi dirhmun ah an umter ko lai tiah a chim chih. Zahan zarh ningani ah Bennan le a hawile sungthoh bu nih Trump an ton. Russian nih US thimnak an hack ko timi report zong Trump an fianter. America sungthoh bu le Trump karlak ah fak tukin theihthiam lonak a umnak ruang cu Russian nih Trump an bawmh timi ruangah hin a si.
'Russian nih kan ram thimnak an hack ko timi hi fiang tein kan theih, kan hlathlaimi vialte zong nih an langhter' tiah Trump an ton lioah cun a chim. Ramchung sungthoh bu hruaitu ah Indiana senator thing Dan Coats a thimmi cungah Bennan nih Trump a thangthat. Inn Raang a phak hnu cun sungthoh bu riantuannak aa fiang tein lai i, a thangthat than te ko hna lai tiah a chim.
'Dan Coats hi a rian ah aa pumpemi zong a si i, sungthoh riantuannak a biapi tuk ah a ruatmi zong a si. A riantuannak ah a hlawhtling ngai dingmi pakhat a si' tiah Bennan nih Dan thangthatnak a chim chih. Ref: CNN.