US President vialte lakah a foreign policy a chia bik a si lai tiah mipi an ceihphai lioah minthang
evangelist Franklin Graham nih Trump cu vawleicung daihnak sertu ding ah tuanvo la than ding in a vun forhfial. Syria ramchung buainak ah kap hnih kahdaihnak min an thut tlawmpal ah Graham nih a tialmi a si.
evangelist Franklin Graham nih Trump cu vawleicung daihnak sertu ding ah tuanvo la than ding in a vun forhfial. Syria ramchung buainak ah kap hnih kahdaihnak min an thut tlawmpal ah Graham nih a tialmi a si.
Syria ramchung buainak ah naite ah khan kap hnih karlak ah daihnak an ser. Russia le Turkey nih an ser pi hna. UNited States aa tel lo. Graham zong nih Trump cu vawleicung daihnak sertu na si lai tiah a vun tinak zong a si. Graham nih Presiden Obama le a cozah zong fak ngaiin a vun mawhchiat hna. Israel ralchanh in UN nih a vote mi hrimhrim hi Obama santlaih lo a si a ti.
'President Obama nih office a rak tlaih hlanah keimah sinah bia aa kammi cu Israel hi ka dirkamh hrimhrim lai tiah bia aa kam. Asinain rian a tuan taktak tikah American mipi a kan hlan riangmang i, Israel cu an hnulei in namte in a sawh hna' tiah Harvard Law Professor Alan Dershowitz nih a chim. A chim thanmi cu 'President Obama foreign policy cu kan tuanbia ah a chia bik tiin kan theih cang lai' tiah a chim chih.
Franklin Graham nih 'US nih vawleicung ah daihnak sertu kan si ti lo. A hlan ahcun vawleicung ram kip hi cabuai cung a ratter i biaruahnak a sertu kan rak si. Zahan zan ah Syria le Turkey le Russia cu cabuai cungah an thu i, kahdaihnak an ser ti; US lawng aa tel lo' tiah Graham nih a tial. 'Kahdaihnak an sermi hi nung peng ko seh tiah thla ka campiak hna' tiah a tial chih.
January 20 ah President biakamnak a tuah cang dingmi Trump cu 'vawleicung ah daihnak sertu na si lai' tiah a chimh. 'Bible nih pei, 'daihnak sertu cu thluachuak an si a ti cu' tiah minthang evangelist nih a tial chih. President biakamnak ni sunglawi ah Franklin Graham zong aa tel ve lai i, Bible relnak a ngeihpiak hna lai. Ref: TCP.