Podesta daithlan tuk ruangah computer hacker pawl nih United States thimnak tiluan lam fawi tuk in an pialter khawhnak a si tiah Fox news nih biahalnak an tuah lioah Wikileak founder Julian Assage nih a chim.
Clinton Campaing chairman Podesta daithlan tuk ruangah Democratic National Committee e-mail an onpiak hna i, thimnak zong ah an sunghnak a si. Podesta nih a e-mail password ah 'password' a hman cang ahcun kum 14 minung hmanh nih an hack khawh lai' tiah Julian nih a chim.
Mr Assange nih a chim thanmi cu Pi Hillary Clinton zong a daithlang tuk. A pumpak e-mail zong tha tein a rungveng lo. Wikileaks nih Clinton e-mail 50,000 leng an phuanpiak. Trump nih a teinak ruang bik cu a daithlan tuk ruangah a tlaknak a si a ti a ti.
Fox News ah Assange nih a chim thanmi cu 'DNC le Podesta e-mail a hack tu hna hi Russian cozah an si hrimhrim lo' a ti. US vote thlak ni November 8 tiangWikileaks nih Democratic party e-mail tam tuk an phuan. US sungthoh bu le FBI tiang um thiam loin an cawlcang hna.
Assange bia an halnak hi London i Ecuadorian embassy ah a si. Thlaihhrem kongah sual an puh i, a kong hlat awk ah Sweden ah kuat ding a si nain a duh lo caah Ecuadorian embassy ah dornak a sawk i a umnak a si. Ref: The sun.