CIA biachimtu nih nithumni ah President thimmi Donald Trump cu a vun phomh. American sungthoh bu thlak riangmang i Wikileak founder Julian Assange tu hna cawisan cu tiah fak ngaiin a vun mawhchiat.
A chim thanmi cu tu thla dongh leiah President Office a tlaih in cun America hi a him lo chin lengmang cang lai. Fiang tein kan chim ahcun Trump hi Putin a uar tukmi pei a rak si hi! CIA naak zong in Julian Assange a thangthat deuh. January 20 hnu in cun kan him ti lai lo' a ti.
George Little hi President thing George W. Bush chan ah a rak tuan cangmi zong a si i, President Obama chan zong ah a tuanmi a si. Atu tiang ah Russian nih US thimnak an tuaitam ko timi Trump nih a zum kho rih lo.
Trump nih Russian hacking kongah CIA a zumh khawh hna lo zong ah a pumpak security ca a siah ram security ca a siah aa bochan ding thiamthiam hna an si.
Ningani ah Trump le CIA aa tong ding an si. Trump nih a timi hna cu tuan deuh ton duh loin a ni le caan an thawn lengmang. Russian an i tel ko timi tehte langhter duh ah ni le caan an lakmi a si tiah CIA tu cu a phomh hna. 'Khuaruahhar ngai an si' tiah a chim chih. Ref: CNN.