'Ka tuarnak le ka fanu zun ka ngaihnak zeihmanh nih a ka lakpiak kho ti lai lo' tiah a nu cu a lungfak tuk hringhran. 'Ka fate dam hirhiar tein aa hngilh komi nih a ihnak in a ka thih tak. A ih lai ah ka kuh i ka hnamh tak i, dai tein ka ihter ko, ka vun zoh tikah cun a thaw a chuah ti lo' tiah a nu nih a mitthli he a chim.
Lulabelle Snow Hurst hi a ngandammi hngakchia te a si. Laam le nuamhseih zong a duh ngaimi a si. A nu nih chun ah a ihter i mitkuh thaw tein a it ko rua tiah a rak ruah, asinain a tho ti lo. A zoh ah cun ihnak cung te ah cun a thaw chuah ti loin a rak liam cang. A nu le pa le cu lungkhuai in a chiah tak hna.
A nu Joelle nih a fanu zanngaih can ah tiah a hmaanthlak zong facebook ah a tar len hna. 'Ka nunnak, ka fanu dawh te, ka sian lomi ka dawt, na ka liam takmi kan siang hrim lo. Ningani zan ah dam te le hmaipanh tein na it ko. Na ha zong kan tteih tak. Na ih lai ah ka kuh i ka hnamh tak i, na ihnak ah ka ihter. Zanlei ah ka zoh ah cun na thaw a chuah ti lo' tiah a mitthli he a nu nih lungfak ngaiin a chim.
'Ka hloh chih len zong ah aa thang kho ti lo. Ka fanu te a rak thi cang. Ka thang kho ti lo. Duh a nung tukmi ka fanu te nih ruah lo tuk in ka liam tak cu ka celh hrim lo. Zeidang vialte naak in laam hi a duh cemmi a si. A u he lentecelh zong aa nuam tukmi a si. Aho poah nih an dawtmi a si. Kan ngaihchiatnak hrawm pitu nan dih lak cungah kan lungthin taktak in kan i lawm' tiah hnemtu hna sinah a chim.
Lulabelle Snow Hurst ngaihchiatnak hrawm pitu nih nili chung ah £4,500 an hlut. A innpa pakhat nih a chimmi cu 'Snow hi duh a nung tukmi hngakchia a si. Inn pa fale he sinah lunglawmhnak a sertu lengmangmi a si. A kan liam takmi cu kan siang lo. Kan ngai peng lai' tiah a chim. Ref: The sun.