France khualipi Parish ah tonnak an ngei. President thimmi Donald Trump nih Tel Aviv in Jerusalem ah US embassy a thial taktak ahcun a tihnung tukmi lehrulnak a ton lai. A si kho lomi khuakhannak a si tiah French foregin minister Jean-Marc Ayrault nih zarhpini ah a chim.
Paris ah ram 70 an i tonnak ah Ayrault nih a chimmi cu 'Tel Aviv in Jerusalem ah US embassy thial ding in timhnak a ngeihmi le campaign lioah a chim lengmangmi hi thial khawh a si lai lo timi a hmuh te lai' a ti. United States President a si tikah cun, kha bantuk lungkhonnnak na pah pi chih kho te lai lo. Daihnak a um khawhnak ding tu khua na khaan a hau te lai' tiah a chim chih.
Middle East kongah hin Trump nih policy a ser rih lo. Asinain Trump nih fiang tein a chim lengmangmi cu Israel kongah cun US President tuanbia vialte lakah Israel cungah dawtnak ngei bik ka si lai a ti zungzal. Embassy thialnak kongah Trump a siah a cozah an siah an duhnak an langhter lengmang cang. Asinain atu lio US Secretary of State John Kerry nih cun a doh ngai.
Palestinian official zong nih fak ngaiin an chimmi cu Trump nih embassy a thial taktak i, Jerusalem hi Israel khualipi ah a cohlan ahcun Middle East ah buainak fak tuk in a chuahter than lai an ti. Palestinian nih hin Jerusalem in nichuah lei kam paoh hi state kan hmuh tikah kan khualipi a si lai tiah chunmang an manh ve. Israel tu nih cun Jerusalem paoh hi kan khualipi a si an ti.
1967 ah Israel nih Six Day War lioah West Bank le Jerusalem in nichuah lei vialte cu an rak lak dih. 1948 tiang ah cun Jordan ramchung ah a rak ummi a si. Six Day War ah a lak hnu cun Israel nih kan ram a si cang tiah an ruah peng, asinain UN nih a cohlanpiak hna lai. Atu tiang an buainak pengnak a si. Ref: TOI.