President thing Barack Obama le First Lady thing Michelle cu Helicopter in Capitol an chuah tak cang. President Donald Trump le First Lady Malania nih Helicopter tual hram tiang an rak thlah. Helicopter cung an kai lai i, bia zong an i ruah len.
An kir than i, Capitol hleidongh cung in President pahnih le an First lady pahnih he an zuan tiang an hngak hna. In Raang pi cu Goodbye an vun tuah thluahmah ve. Inn Raang a chuah tak hlan deuh zong ah Jihadist tapung zong a donghnak Goodbye tuah ve hna.
President biakamnak ni le caan a phak hlan nilini ah Obama cu B-52 bom thlaknak in Syria i Al-Qaeda training camp a phomh tak hna; minung 100 leng an thi tiah report nih a chim. A hlan deuh zong ah B-2 Stealth bom thlaknak thiamthiam in Libya ah raltho tapung a phomh than hna.
Pentagon leiin biachimtu Peter Cook nih an report ning ahcun raltho tapung 90 hrawng an thi lai tiah kan zumh a ti. Inn Raang a chuah tak hlanah President thing Obama nih a biapimi bom thlaknak nawl a chuah a si. Obama caah cun Inn Raang he Jihadist tapung he a goodbye tuah bantuk a si cang.