Ningani President biakamnak tuah lioah ruah siamsiam tein an sur. Vawleicung minthang evangelist Franklin Garham caan a vun phan i, a rak kai. Ruahsur hi Pathian thluachuah hmelchunhnak a si tiah Graham nih Trump cu a vun theihter than.
Franklin Graham cu a vun dir i, 'Mr. President, Bible ah ruah hi Pathian thluachuah hmelchunhnak a si. Platform cungah na vun kai ah khan, Mr. President, ruah a sur. Ka thlacammi cu Pathian nih thluachuahnak an pek lai, na chungkhar zong a pek hna lai, na cozah zong a pek lai i, America zong a pek lai' tiah Graham nih a chim.
Ruahsur kongah Graham nih comment a pek hnuah 1 Timothy 2:1-6 a rel. Hruaitu hna caah thlacamnak nan ngeihpiak zungzal hna lai timi kong a si (Bible rel cio te u).
Inauguration Service hruaitu Senator Roy Blunt zong nih a chimmi cu 'tu chun hi democracy kan conglawmh zong a si i, United States of America cungah Pathian nih thluachuahnak a pekmi le a kan dawtnak kan conglawh ni zong a si tiah Roy Blunt nih a ti' tiah Graham nih a hnuah a facebook ah a vun tial.
A donghnak thluachuah petu minung pathum lakah Franklin Graham zong aa tel. Bible caang aa thimmi le a relmi zong mipi lungthin chungah a lut ngai lai tiah zumh a si.
Bishop Jackson nih thla a cammi cu 'Nihin ah a voi 45th nak President le vice president le an chungkhar caah thla kan cam. A liannganmi hi ram hruai khawhnak ding ah fimnak pe ko hna, an runven khawhnak ding ah thawnnak pe ko hna, damter than khawhnak ding kut pe ko hna' tiah Pathian nih sinah thlauchuah a halpiak hna. Ref: TCP.