Biaceihnak zung nih Timothy McLanahan cu 'ningcang tein um ding in nawl an pek cang.' Hlasak thiam muidawh Jennifer Lopez hnu in a zulh lengmang ruangah zung ah a report i, atu cun hngangam tein Jennifer zong a um cang lai tiah zumh a si.
Timothy McLanahan hi Jennifer inn zong ah a rak lut bal cang. An rak tlaih i, a hnu ah an thlah than. Naite ah Los Angeles in Las Vegas a tlawn lioah a hnu in a zulh than. Hlasak thaim Lopez cu thinphan le lungrethei a tuah lengmang. Ka fale ca zong ah ka lungrethei i, keimah ca zong ah ka lungrethei peng tiah Jennifer nih a chim.
Nithumni ah Timothy McLanahan nih ka hnu in a ka zulh lengmang, ka inn zong ah a rak ka rat hnawh cang cun pangpar le cakaut zong a ka kuat lengmang tiah biaceihnak zung ah ca a tial. Biaceihnak zung nih Timothy McLanahan cu ralrinnak an pek cang. TMZ nih a chimmi cu 'nawl pek loin Jennifer inn ah a rak lut i, an rak tlaih bal cang' tiah a tial.
Lopez 47 nih a chim thanmi cu 'Timothy McLanahan ziaza le cawlcangh nih ka thin a ka phanter lawng si loin ka fale (faphir) Max le Emme ca tiang in ka lungre a ka theihter tuk a ti. A chim thanmi cu 'ka fale hi ka nunnak mongtu an si. Ka zei zong vialte zong an si' tiah hlasak thiam Jennifer nih a chim.
Drake he an i duh than cang. Social media kip zong ah an hmanthlak le an i duhnak an langhter i an phuan dih cang. An hmanthlak zong zoh tikah kuh le reh lawng te an rian cang. Zeitluk in dah duhdawtnak kan ngeih timi mipi sinah chim le langhter an duh. Ref: The sun.