2016 ah 'Hall of Shame' timi report an pek i Khrihfami khuaruahhar in a chiah hna.
Vawleicung ah Khrihfami hremtu ram hna research an tuah i, United States zong aa tel ve cang. Tu kum chungah Khrihfami hremnak ah aa tel chin lengmangmi cu Mexico, Russia le US hna hi an ti tiah Jeff nih a chim.
Vawleicung ah Khrihfami hremtu ram hna research an tuah i, United States zong aa tel ve cang. Tu kum chungah Khrihfami hremnak ah aa tel chin lengmangmi cu Mexico, Russia le US hna hi an ti tiah Jeff nih a chim.
International Christian Concern ah president a simi Jeff King nih a chimmi cu 'US zong Khrihfami hremtu ram ah aa telmi cu ngaihchia taktak a si ko' tiah a chim. A hleiin Khrihfami hremnak ah a hrangcemmi ram hleihnih an thim i, Nigeria, Iraq, le Syria hi aa telmi an si. 'Khrifhami hremnak ah tihnung bik an si.
Islamic raltho ruangah hin a zual khun tiah a chim. North Korea hi hleihnih hna ram chungah aa tel. North Korea ah cun cozah hrimhrim nih Khrihfami hremnak hi tuanvo an lak i, Khrihfami 40,000 - 70,000 tluk hrawng hi thongthlakmi an si.
North Korea Khrihfami hremnak hi a zual hma ngaingai. India, Taluk, Pakistan, Saidia Arabia le Egypt zong hi aa telmi an si. A cunglei ah langhtermi ram hna hi zungzal in Khrihfami hremnak a minthang lengmangmi an si, asinain Khrihfami hremnak ah a minthang chin lengmangmi ah aa tel tharmi hna cu Mexico, Russia le US an si.
US ah cun social media le zatlangnun phung bu hi Khrihfami dohnak le hremnak ah a thawng cem an si. A caancaan ah meithal kahnak a chuakmi zong Khrihfami kahnak lawng te an si. US ah cun biaknak hi biakinn le inn lawng ah zalonnak a um i, mipi lakah cun biaknak zalonnak a um tuk ti lo. Ref: TCP.