Footballer David Goodwillie le David Robertson nih Denise Clair an rak tlaihhrem i, biaceihnak ah chuah pi a rak timh, asinain biaceihnak chuah pi hlah law tangka kan in pek lai tiah voithum tiang a thli in an rak nawl. Asinain a duh lo caah an chimhmi vialte zong biaceihnak ah a phuan dih hna.
Denise Clair sinah an rak chimhmi cu kan palhnak a um lo. Na thil tuah timhmi hi ngol law tangka tu in kan in pek lai an rak ti lengmang. Asinain ka duh lo. Ka kaa phih an ka timhnak menmen a si a ti. A chimmi cu January 2011 ah West Lothian i inn lawngmi ah an rak ka tlaihhrem a ti. Biaceihnak zong ah cun 'amah hnatlak tein kan tuahmi a si' an ti.
Asiain biaceihtu Lord Armstrong nih cun 'nu' lei thatnak in a cohlan caah Footballer David Goodwillie le David Robertson cu £100,000 liamter ding in bia a chahpiak hna. Goodwillie, 27, le Robertson, 30 nih an thinhung ngaingai. Kan sualnak a um lo; amah hnatla tein kan tuah pimi a si ko an ti peng. An club zong nih caan karlak cu lencelh kho loin an tuah rih hna lai.
Report tling an hmuh hnu lawngah an kong ceih a si te lai. Denise Clair nih Sunday Post ah a chimmi cu 'tangka ruangah ka tuahmi a si lo. Biatak nih man a ngei lo. Ahodah an si timi langhter ka duh caah ka tuahmi a si' a ti. A chim thanmi cu 'kan sual lo an ti ko ahcun zeiruangah dah £115,000 kan in pek lai i, biaceihnak ah chuah pi hlah an ka ti' a ti ve.
'Biatak lang seh ti ka duh caah ka tuahmi a si. Tangka nih dai tein a ka umter kho lai lo. Ka chungkhar nih kan tuarnak le kan innak vialte hi tangka nih a cawk khawhmi a si lo' a ti. Ref: The sun.