Kyrgyzsatn khuate ah Turkey thil phormi vanlawng a tla. Atu tiang an theih khawh tawk ah minung 37 an thi. A thimi minung zat hi tam chin lengmang dawh an si tiah Kyrgyzstan's Emergency Ministry biachimtu Elira Sharipova nih CNN ah a chim.
A tlaknak hmun le a rawkmi vanlawng hmanthlak zong a rawk cikcek. A tlaknak hmun i minung an va phak ahcun vanlawng cu meikhu nih a rak zulh dih cang. A rawk ning zong a fak ngaingai. Motor tha ngaimi pakhat zong a tlak chih i, a thleh i, a hrawh dih cikcek. Khua chung mipi an i ih lioah a tlak hna tikah chungkhar in a thimi zong an um len hna.
A tlak ning hmual a pin hringhran ko. A tlak hi zing lei 7:18 a.m local time ah a si. Hngakchia telh chih in minung pariat cu sizung ah an tlik pi colh hna. Khuate inn hleinga a hrawh. Vanlawng cungah minung zeizat dah an um timi a fiang tein an thei kho rih lo. Vanlawng hi Hong Kong in Kyrgyzstan khuapi Bishek leiah a zuangmi a si.
A tlami vanlawng hi 2003 ah rak sermi a si. Boeing 747 TC-MCL a tlaknakk hi Manas Airport pawngah a si i, Bishek in meng 15 aa hlat. Turkey khuapi Istanbul ah a zuangmi a si i, Manas Airport ah dinh ding in aa tim, asinain a tum manh hlanah a tlami a si. Ref: BBC.