Parish hotel i a umnak khan chungah misual nih an luh hnawh i meithal hmuahchih in a thil mansung an firpiaknak kong Kim Kardashina nih a phuan cang. A phuan chung cu a celh lo i, a mitthli le a tah bu in a chim. 'Ka hnulei in an ka kah lai timi lawng ka rak ruat' tiah a chim.
A inn khan chung an luh ah hin ahodah an si a thei hna lo. Meithal an i kan i, an meithal in an hmuahchih. Takkholhnak khan chungah an luhter i, a inn khan chung thilri vialte cu an lehthal dih hnuah an thil mansung 8 million man an lakpiak. 'Ka caah lam a um ti lo. An ka kah cang ko lai ti hi ka rak ruahmi a si' tiah a mitthli he a phuan.
A chungkhar, a unau Khloe le Kourtney zong a chim lioah an i tel. Ka pasal a zawtnak ruang zong hi keimah ruangah a si timi aa fiang. Kanye West zong a lungre a rak thei tuk. 'Atu ka ruah than tawn tikah ka lung a fak' tiah Kim nih a chim. CNN nih a tial ning ahcun 'E! Cameras' hi damiah hramh lioah an um lo' tiah a ti. Anmah hi lunghrinh hna dawh a si ti khin langhter seh law a dawh!
Paris i Kim a umnak hotel ah hin 'E!' cameras hi a um ve ding an si. Asinain Kim an hramh lioah hin an um lo. CNN nih a tial thanmi cu 'Kim a firtu hna kongah Kim Kardashin nih a phuan cang' an ti. Hi 'E!' hi maw an chim hnawhchan a si hnga timi ruah awk a um. Paris i an fir hnu cun social media ah a lang ti lo, asinain tutan a phuan hna i a voikhat langhnak a si. Ref: The sun & CNN.