British commando ralkap sniper nih a sniper meithal in ISIS a kah hna i, pahnih a hlenh hna hnuah a kaun cu vampang ah aa chol i, a peo than hnuah pakhat a hngawng ah a khen i, a thah chih. A pakhatnak pa cu a lu ah khen i, hma khat te ah a dap colh.
A kuan a lan than i, pakhat pa taang ah a khen than i, a kuan cu vampang ah aa chol than hnuah pakhat pa hngawng ah a khen than tiah Daily Star Sunday nih a report. Iraq khua pakhat Mosul pawng khuate ah ISIS an rak doh lioah a cangmi thil a si. November 2016 ah khan a si.
ISIS nih an tlaihmi minung an rak zam i, ISIS nih machine meithal in an rak kah hna. SAS (Special Commando) ralkap nih a bawmh hna. A sniper L115S cu aa lak i, 338 Lapua Magnum kuan aa rawn hna. Cuticun ISIS cu pakhat hnu pakhat in a phomh thluahmah hna.
Kan hnu zarh ah US ralkap commander pakhat nih a chimmi cu ISIS hriamnam a chia chin lengmang cang. Mosul khua kan sungthan sual lai tiah ISIS lungrethei in an um cang. An cawlcangh le an hriamnam hman ning aa dang chin lengmang cang tiah a chim. Ref: The mirror.