India ram Benguluru ah nu tuaitamnak kongah an buai tuk. India ahcun nu tuaitam le tlaihhrem cu an thaithawh-zanriah ei bantuk a si, nain tutan thil an tonmi cu mipi zong an thinhung ngai. Politician in minta le mintami tiang an um kho lo.
Indian Actor minthang pa Shah Rukh Khan zong a thinhung tuk i fak ngaiin a chim ve. Shah Rukh Khan hi nu kong a chim pengmi a si. Pa nih nu upat a herhnak le zoh dawh tein tuahto an herhnak kong a chim lengmang. Fapa pahnih Aryan le Abram a ngei hna.
Ka fapa le zong nih nu an hmuh ning hi ka hmuh ning bantukin hmu ve hna seh ti ka duh a ti. Nu kip sinah ziaza tha le dawtnak ngei hna seh ti zong a duh. Femina nih biahalnak an ngeih lioah Khan nih a fale kong a chim. 'Ka fapa le zong ahohmanh nu harnak nan pe hna lai lo' ka ti peng hna a ti.
A chim thanmi cu 'nu kip sinah nan lungput a tha lai; harnak nan pe hna lai lo. Nu harnak nan pek hna ahcun nan lu kan tan hna lai. Upatnak nan ngeih dih hna lai' ka ti lengmang hna. 'Ka fahniang pa zong tha tein ka chimh lengmang' tiah biahaltu Femina sinah ah chim.
Benguluru nu tuaitamnak kongah Shah Rukh Khan, Akshay Kumar, Aamir Khan le Anushka Sharma le a dangdang nih an thinhunnak an langhter. Ref: TOI.