President Trump nih President nawlngeihnak in buainak le linsatnak a chuah pi taktami Abortion (nau hrawh) tuahnak kong min a thut cang. US Federal Cozah nih vawleicung NGOs sin kip ah Abortion tuahnak caah tangka kan pe ti hna lai lo tiah min a thut cang.
US federal cozah nih International NGO sinah tangka an pek hna i vawleicung ram kip abortion tuahnak caah an hman lengmang. Federal cozah nih tangka an pekmi hi Abortion tuahnak ca a siah Abortion he aa pehtlaimi vialte caah a herh ning in hman lengmang a si. Atu cu min a thut cang. Mexico City Policy ti zong in an auhmi a si.
President Trump nih min a thutmi nih Democrats le Republican karlak fak ngaiin raldohnak a chuahter than lai tiah an zumh. 1984 ah President thing Ronald Reagan nih a rak kham cang i, President thing Bill Clinton nih a rak nunter than; President George W. Bush nih a rak thihter than i, Presidnet thing Obama nih a nunter than; atu ah President Trump nih a hnon than ve.
Conservative le Liberal raldohnak timi cu hihi a si. Zeitin dah khua an cuanh i, zeitin dah life meaning an hmuh timi ah aa dangmi an si. A biapi tuk. Trump cu fak ngaiin an vun doh colh. Media kip zong nih an doh hna. President Trump nih min a thut lioah a riantuantu upa zeimawzat nih an kulh.
Cucu media nih an i thawh i, 'lengah nu a thongthong an i pumh lio le an covo an au pi lioah Trump le a minung tlawmpal te nih nu authawng cu an thahpiak hna an ti' an ti. Center for Health and Gender Equity in Washington, D.C ah President a simi Serra Sippel nih a chimmi cu 'Trump cozah chan ah Nu ngandamnak le covo hi hliamhma a tong bik a si' a ti.
A chim thanmi cu 'President Trump le a cozah hi nu, ngandamnak le science caah ral an si' tiah a ti. US Suprem Court ah biaceihtu a chiah ding zong hi Abortion a dohmi a si lai. 'Planned Parenthood' caah Cozah nih tangka an pekmi zong a donghter. Abortion tuahnak a siah nu ngandam caah a siah bawmchaantu PP a si.
President Trump nih a facebook ah a tialmi cu 'Washington DC ah a lungtling lomi Liberal nu pawl lam an zawh. Kan khuaruahhar awk a si lo. Liberal nu tam deuh poah cu an lungtling lo. An taksa an i vihnak, tattoos an i suainak le an pum cungah an i suai thupmi le vanlawng tiket cawknak an ngeih ko ahcun zeiruangah dah an Abortion tuahnak caah cun liamter cu a kan duh?' tiah fak takak zong a phomh hna. A hmaan tuk fawn. Ref: VOA News.