President Trump nih Muslim a khammi hna cu fak tuk in an vun soisel. US Airport kip ah buainak le sandahpiahnak a chuak. President Trump minthutnak tiang US biaceihtu nih an ngolter chung ti a si. Asinain Trump nih a tuahmi a theih. 'Ramri thawng kan herh' tiah a vun nolh than.
Nirukni cu Airport kip an buai i, zarhpini tiang an buai ko, asiain President Trump nih hnulei kir aa tim lo. A nolh chih than lehlam. Mipem kongah kan rengh chin lengmang lai; ramri zong kan rengh chin lengmang lai a ti. Trump nih a chimmi cu 'kan ram nih a thawngmi ramri a herh. Tha tein ahodah kan ramchung an lut timi kan chek dih hnu lawng ah kan luhter hna lai' a ti.
President Trump nih a chim thanmi cu 'Europe ah zeidah a cang zoh tuah u ca. Vawleicung hi a buai tuk cang' a ti. Federal biaceihtu zong nih Trump minthutmi an vun kham chung ve. Airport ah hrenmi refugee hi nan kirh rih hna lai lo an ti hna. Khualtlawmgmi hna zong nan khirh rih hna lai lo an ti hna. Ramdang hruaitu zong nih Trump an vun mawhchiat cio.
British Prime Minister Theresa May zong nih a hnatlak pi lonak a langhter. Kan miphun zong an hren hna ahcun ka tlangtlak ko lai a ti. Germany, Chancellor Angela Merkel zong nih a vun mawhchiat ve. President Trump khamhnak hi 'thiamcoter awk a tha lomi a si' a ti. Ref: TOI.
President Trump Abortion Minthut Cu Sahrang Lakah Mei Thlak Bantuk A Si
----------------------
Bill Graham Fanu Nih Nu Lamzawhnak Zeitin Dah A Chim?
------------------------------------