Kan hngahhlang tukmi Royal Rumble kan phan. Lehrul Cham puai tiah kan ruah i zoh lai kan i ngaih tuk hna, zeicatiah WWE tuanbia ah minthang taktak a si i, mipi nih an uar tukmi minung pathum Undertake, Bill Gold Berg le Brock Lasner an i tel. A hleiin lehrul cham puai tiah kan ruahmi a si.
Ring cungah minung 30 phomhnak puai cu kan vun zoh i, WWE Superstar pawl cu pakhat hnu pakhat in an vun chuak thluahmah hna. An i phomh hna. Zoh an nuam tuk. Wrestlemania ah Championship cuh ding in caan tha a ummi cu tlaih khawh cio an i zuam. Zohtu mipi 50,000 leng an si. An tam ngaingai.
Brock Lasner caan a vun phan i, hliphlau taktak in a rak chuak. Ring cungah Superstar pawl an rak khat cang. Ring chungah a vun lut i, pakhat hnu pakhat in a phomh thluahmah hna. Lengah a hlonh thluahmah fawn hna. Minute tlawmpal ahcun tuang cungah a hrilh dih cang hna. Bill Goldberg caan a vun phan. A rak chuak.
Brock mithmai zoh tikah aa lawm tukmi a lo, zeicatiah tuan deuh ah khan zohchia in a rak tuahmi cu lehrul cham ding in aa timhnak caan a sau cang. Bill nih a vun zoh chih ve. Ring chungah a vun kai. Brock cu a neih thluahmah. Brock nih a vun zuan hnawh i, Bill nih a hlen i, a vun tlik hnawh i a liang in Brock thin ah a vun chunh than. Brock cu teng lak a tuah than.
A vun thawh ah Bill nih a zuan hnawh than i, Ring tangah tla lak in a nam diam hoi. Rau lo te ah Brock Lasner cu a chuah put than diam! Lehrul cham puai kan timi cu cikhat teah a dih colh. Cun Undertaker a vun chuak ve. A phomh thluahmah hna. An lak ah a up cem a si cang nain an tei kho rih lo.
Roman Reigns zong a rak chuak colh ve. An phomh hna i, Roman nih Undertakes cu a thlak diam! Roman nih Buan a co rua lai ti na lak ah Randy Orton nih Buan a co diam. RKO kuat in Roman cu a phomh ciammam i, a vun thawh ah Randy nih tangah tla lak in a nam diam! Cuticun Wrestlemania ah championship aa cuh ding cu Randy Orton a si.
US Special Ralkap Nh Al-Qaeda Tapung An Phomh Hna
-------------------------
Ivanka Trump Lehlam Tu Fak Taktak In Mipi Nih An Phomh
--------------------------