Indian Hollywood minthang veve Ranbir Kapoor le Katrina Kaif cu ruah lo piin i an then than tiah theih a si. Zeiruang ah dah, mah tluk in aa duh veve i an i zohthlat lio le Indian mipi tiang nih an zohthlat tuk lio hna ah an i then timi theih an vun duh tuk.
Naite Katrina Kaif bia an halnak ah bia tlawmpal a chim i, a chimmi chungah a hliah a chimmi pakhat a um. Mah cu an i thennak ruang a si tiah an zumh. London ah a kal i, a chungkhar he Christmas Holiday nuam taktak in a hmang.
Ranbir Kapoor zong mipi nih a kong an ceihmi a dai kho lo. Ngaknu dang a ngei tiah theih than a si. Muidawh Shruti Haasan he naite ah cawngia an i zeih ti i, mah hnu cun an thawngpang a dai thiam ti lo. Mipi le media kip nih an konglam an hlat hna tikah Haasan nih cun 'nihchuak a si' tiah fianternak a tuah sek len ve ko nain mipi hmurka a cipter kho hlei lo.
Ranbir le Haasan karlak pehtlaihnak le duhnak hi pheh awk a tha lo tiin mipi nih cun an hmuh cang hna. Shruti Haasan nih a chimmi cu 'ka rian ah kaa manh lo tuk. Hi kongah chim ding zeihmanh ka ngei lo. Biachokvai nih zeihmanh hnahnawhnak a ka pe kho lai lo' tiah a chim.
'Asinain biachokvai a chuakmi hi fawi tein thah khawh ding a si ti lo. Katrina Kiaf he an i thennak ruangah Shruti Hassan ruangah a si' tiah chunglei kong a theimi nih cun an chim. Ref: TOI.