Malaysia Kuala Lumpur ah Organization of Islamic Cooperation (OIC) tonpumhnak an ngei. Muslim ram in ram 57 an si i, an Rohingya kong ceihmainak an ngei. Malaysian Prime Minister Najib Razak nih 'Muslim nih kan zoh sawhsawh hna ding an si lo' tiah a forhfial hna.
Kawl ralkap nih biatak tein an hran hnawh hna tikah an inn an khanghpiak hna, an tuk an velh hna, an thah hna i, an hrem. 65,000 hrawng nih Kawlram an zam tak cang. Mr. Najib nih a chimmi cu 'Kawlram ah Rohingya nunnak tam tuk ngamsam a lorel cang.
Cheukhat nih thihnak an ton i, cheukhat nih chim awk tha lo tiang in ralkap sualnak an ing' a ti. A chim thanmi cu 'mah ruang ah hin dai teim a um thiam ding kan si lo' tiah Malaysian Prime Minister Najib Razak nih a ti. OIC hi ahodah an si? 1969 ah rak dirhmi a si. Jerusalem ah Australian Khrihfami hna nih Muslim biakinn an rak tteih hna hnu in an dirhmi a rak si.
An i tinhmi cu Muslim paoh hmun khat te ah dir ti le tan ti hi a si. Kan hmun thiang kan dirkamh lai i kan runven lai tiah pehtlaihnak bu an rak sermi a si. Muslim miphun nih thleidannak an tonnak kip ah tan pi hna ding le dir pi hna ding tiin an rak dirhmi bu a si.
A ram in cun a tam ngaimi an lo nain an thawng tuk ve lo. A hlanah cun Organization of the Islamic Conference ti a rak si, asinain OIC ah an thlen cang. Chungtel ram 57 a si. Ref: BBC.