Hmai zarh Mexican President Enrique Peña Nieto he ton ding kan timi cu 'santlai lo a si lai' tiah President Trump nih nilini ah a chim. 'Hmaan te le upatnak he Mexico nih US an kan zoh lo ahcun kan i ton zong ah santlai lo a si ko lai tiah Trump nih a chim.
A chim thanmi cu 'lam dang in kan kal ve ko lai. Thim ding dang lam kan ngei lo' tiah President Trump nih a chim. Trump le Enrique Peña Nieto hi Inn Raang ah ton ding in timhnak an ngei, asinain vampang saknak caah tangka liam ding an duh lo caah Trump he ton ding timi cu Enrique Peña Nieto nih a let than.
Caan zeimawzat a luan hnuah President Trump nih a vun leh colh ve. 'Ton ding in timhnak kan ngeihmi cu lungtling tein kan let than ve ko' tiah Trump nih a chim. Biakamnak a tuah hnu in President nawlngeihnak a vun hman thluahmah. Vampang saknak kong, Muslim kong, chawhlehthalnak le a dangdang.
US Congress ah buan a comi Republican upa (upadir sertu) hna cu an lungtling ngaingai. Inn Raang le Congress kan uk lioah conservative agaenda paoh cu kan lanhter thluahmah lai tiah timhnak an ngei. President nawlngeihnak in karhlaan pi khawh lo ding tampi a ummi zong Republican upa nih Congress ah an rak phomh thluahmah lai tiah zumh a si. Trump zong nih aa bochan ko hna.
Vampang saknak caah tangka a dih dingmi zong Congress an lanhter khawh; visa le refugee laknak upadi kong zong Congress nih an thlen than khawhmi hna an si. President Trump nih Congress i a Republican upa a hman thiam hna ahcun a genda a len lengmang lai i, Congress i Republican upa zong nih Trump an hman thiam ahcun kham awk tha loin thawng tuk in rian an tuan kho lai. 'Make America Great Again' timi hi an caah a har lo tuk lai. Ref: CNN.
Mexican Presdient Thing Nih Trump Fak Tuk In A Phomh
-------------------------------