Pastor Rev. Robert Jeffress hi Southern Baptist ah Pastor a tuanmi a si i, Khrihfami chungtel zong 12,000 leng a ngeimi a si. Trump caah biatak tein campiang a tuahmi zong a si, Muslim, Mormons le Catholic le gays cung ah a hrang ngaimi a si, zeicatiah a zumhnak feh tein a dirpimi pa a si.
Mr. Trump nih President biakamnak a tuah hlanah Rev. Robert nih Trump le a chungkhar pumhnak a ngeih pi hna lai. Trump zong nih a uar ngaimi Pathian riantuantu pakhat a si. Evangelical Adivisory Board zong ah chungtel pakhat a si i, Trump nih 'hi pa hi ka uar bakmi a si' tiah a rak ti bal.
Ningaini zing ah St. Episcopal Church ah pumhnak an ngei lai. Inn Raang he aa neih te. President Richard Nixon dah ti lo cu, biakamnak tuah hlanah US President kip an i pumhnak a si. Nirukni ah Washington National Cathedral ah pumhnak an ngei than lai i, President Trump le Mike Pence caah thlacam piaknak an ngeih than te hna lai.
Rev. Robert hi 2012 lio zong ah biatak tein campaing chungah bia a rak chimmi a si. Mitt Romney kha Mormon bu a si i, Rev. Robert nih Mormon cu a kalsaualmi an si tiah fak tuk in a rak doh cang. 'Islam le Mormonisn cu hell chung in a rak chuahmi' a si tiah fak ngaiin a chim. Catholic zong hi Satan nih a pial pimi hna a si a ti.
President Obama zong fak ngaiin a phomh. Gay lakak ah HIV a karh tuknak hi Obama ruangah a si a ti i, fak ngaiin a phomh. Antichrist lamsialtu a si ti tiang in Obama cu Rev. Robert nih a ti. Naite zong ah Islam biaknak cu 'khuachia biaknak' tiah a auh than. Mormon, Muslim le Hindu cu a hmaan lomi Pathian a biami nan si a ti hna.
Rev. Robert thawngtha chimnak ah Trump chungkhar le Mike Pence chungkhar telh chin in aa pum dingmi hna hi minung 300 hrawng an si lai tiah Rev. Luis Leon nih CNN nih a chim.
Pastor Rev. Robert Jeffress nih a chimmi cu ''Inauguration Service hlanah St. John Church ah President chungkhar pumhnak ah Pathian nih hruaitu a thim ni i thawngtha chim ding cu upat awktlak ngai a si. Trump hi US President tuanbia kan zumhnak hawi tha bik a si lai' tiah a tial. Ref: CNN.