Pi Hillary Clinton chungkhar le President thimmi Donald Trump karlak ah fak tuk in dohnak le entainak a um ko nain January 20 i Inn Raa pi ah president biakamnak a tuah ni ah kan tel pi ko lai an ti. United States tuanbia ah min thang hna le mi lianngan dangdang tampi zong an i tel hna lai.
Inn Raang kan i cuhnak hma le entainak vialte hna cu hnulei ah kan chiah dih cang. Ka pasal President thing Bill Clinton he Washington i Capitol Hill ah kan kal ve ko lai tiah Pi Clinton nih a chim. Bush le First Lady thing a simi Laura Bush zong kan i tel ve lai tiah an fianter cang. Bush hi Trump a dohnak ngai vemi a si.
Bush biachimtu nih Dallas Morning News ah a chimmi cu 'kan ram hruaitu thlennak hmuh le zoh lai an i ngaih tuk. Dai le rem tein hruaitu thlennak kan ngeih khawhmi hi kan ram democracy hrihhram taktak cu a si. President thimmi Trump le vice president Mike Pence President Biaknak ah an tel pi ko hna lai' tiah a chim.
Trump nih campangin an tuah lioah George W. Bush nau Jeb Bush zong fak ngaiin a rak phomh ve. Florida Uktu 63 cu 'thazaang der pa' a rak ti. President thing Jimmy Cater 92 zong January 20 i Trump le Pence biakamnak ah aa tel lai tiah Politico nih a chim.
January 20 cun President thing George W. Bush nih Presdient Barack Obama sinah rian chanhnak meivan (torch) a rak pek bantukin President Obama nih President thimmi Donald Trump sinah a pek ve cang lai. President Obama le Fist Lady Michelle zong rian chanhnak tlaung tein a kalnak hnga timhnak an ngei ve cang. Ref: The sun.