Vawleicung ah upat bikmi le tihzah bikmi poll an tuah i, Top 10 chungah vawleicung minthang bik Evangelist Bill Graham cu panganak ah aa tel. A voi 60 naak upat bikmi min cazin ah aa tel a si. Kum 98 a si cangmi Billy Graham nih Top 10 chungah No. 5 naak a hmuh.
Top 10 chungah pakhatnak cu President Obama a si, pahnihnak cu President thimmi Trump a si, pathumnak cu Pope Francis a si i, Senator Bernie Sanders hi palinak a si. A panganak ah evangelist Bill Graham a si. Poll hi December 7 - 10 karlak ah an tuahmi a si. Gallup Poll hi 1946 in an rak tuah tawn cangmi a si i, an thawng ngaimi riantuan bu pakhat zong an si.
Gallup nih an tuahmi a si i, American mipi sinah an rak chimhmi hna cu 'United States chung lawng si loin vawleicung ah a nung rihmi zong an si lai i, nan upat bikmi nan thim hna lai i, nan vote hna lai' an ti hna.
Bill Graham changtu ah Israel Prime Minister Netanyahu a si, cun Dalai Lama, President thing Bill Clinton, Bill Gates le Vice President Mike Pence hna hi Top 10 ah an i tel. Top 10 ah Bill Graham cu voi 60 tiang aa tel cang. Trump hi voi nga aa tel cang. Mike Pence tu hi a voikhatnak aa tel a si. Bill Clinton hi voi 25 aa tel cang. Bill Gates hi voi 17 aa tel cang.
1918 ah North Carolina i Charlotte ah a chuakmi a si i, Kum zabu 20 chung in Evangelist pakhat dirhmun in Pathian thawngtha a phuannak ah hmual a ngei cem a si. Vawleicung ram 180 lengah million 200 leng sinah Pathian bia a phuangmi a si. Vawleicung ah a chuakmi minung vialte lakah Bill Graham thluk in Pathian bia a phuangmi an um lo.
'Billy Graham Crusade' tiin thangthatnak Pathian thawngthat chimnak voi tam tuk a ngei. Interview an tuah lioah 'Graham, Pathian bia na chimmi hi a sang ngai zong a si lo, a tha ngai zong a si lo, zeiruang ah dah hl tluk in Pathian nih an hman, na kan chim kho lai maw' tiah an hal i, a lehmi hna cu 'vancung ka kai tikah Pathian ka hal lai tiah kaa ruah vemi a si' tiah a ti. Pathian nih khuaruahhar in a hmaanmi pa a si. Ref: TCP.