"Kha thil a cangmi cu kaa ngaichih tuk hringhran. Keimah zong fa ngei nucan dirhmun a ngeimi pakhat ka si bantukin hngakchia nu te ka chuihmi cu kaa ngaichih tuk. Kha lioah a cangmi kha ka thei lo. Ka lau tuk ve i, a ruah awk zong ka hnga lo. Film ka zoh than tikah keimah ka si ding hmanh kaa zumh lo' tiah ngaihthiam halnak ca a tial.
September 2015 ah a rak si i, Hungaria le Serbia ramri ah refugee 400 cu police khammi an rak pah i, Hungaria ramchung ah luh ding in an rak tli cio hna. Police zong an um hna i, media kip zong an rak um cio hna. Minung 400 hrawng refugee cu an rak buai i, police khammi an rak pah i, an tli cio hna. Cu lioah cun Hungarian camera nu Petra Laszlo nih refugee nu te a chuih pinah a tli liomi minung pakhat ngal a pheh chih.
Vanchiat ah midang nih video an rak zeih sual i, a chuihnak le mi ngal a phehnak video cu vawleicung theih in lengah a chuak dih i, a mualpho cikcek. Taza an cuai chap bei rih. Nilini ah Szeged District Court nih kum thum chung a riantuan kho lo ding in an kham/bar.
Petra nih a ngal a phehmi Osama Abdul Moshen a si i, an tlik lioah hin a fapa kum 7 minung aa cawi pah. Petra nih a ngal a pheh i an pafa in vawlei ah an tlu. An tluk lio video cu lengah a chuak i, social media kip ah a puak in a puak. 2,400 leng hmun khat hnu hmun ah twitter in vawleicung ram kip ah an i kua hna. A riantuannak Hungarian Nationlist N1TV nih a rian an phuah colh.
A ngal a pehmi Moshen nih CNN ah a chimmi cu 'ngaihthiam na kan halmi kan cohlan lo. Hungarian Journalist, kan chimh lai. Na tuah bantukin na zun lai. Pathian nih lehrul cham loin an um lai lo' tiah fak ngai le thinhung ngaiin a chim. Moshen hi Syrian Soccer Coach a si. Ngalpheh a ton hnu in Madrish ah an um i, football academy ah rian tha taktak zong an pek. A fapa Zaih Moshen zong Real Madrid team nih hngakchia hmaikaltu ah an hman. Ref: CNN.