Kum 48 Indian pa cu thla hnih chung a pawfah lengmang ruang le a tha dih lengmang ruangah doctor nih an chek i, a ril chungah chungchia peruk sau a um timi an theih caah operation an tuahpiak. Indan doctor zong an khuaruahhar tuk.
A sau tukmi chungchia cu caan sau pi operation tuah hnuah a ka in an dawhpiak khawh. Dr Cyriac Philips nih Livescience ah a chimmi cu mizaw ka zohmi vialte ah hi bantuk ka tong bal lo. Ka voikhatnak mit hmuh a si. A sau i a ngancem chungchia a si a ti.
New England Journal of Medicine ah an report ning ahcun 'taenia Solium' tiah doctor nih min an sak. Voksa einak nih a chuahtermi a si. Hi bantuk chungchia hi theih a har ngaimi a si. Mi tampi nih an ngeih le ngeih lo zong an thei lo. Cheukhat cu a fak ngai, asinain cheukhat ahcun theih khawh zong a si lo.
Tutan an chuahpiakmi pa zong cu hlanah a thei bal lo. Thla hnih chung a pawfah hnu le a tha dih hnuah an theihmi a si. An theih tikah ahcun peruk tiang a rak sau cang. Doctor te nih an chek ah hin a taksa zong a daang ngaingai cang. A hrom chungah camera an rawnpiak hnu lawng ah an hmuh khawh.
A hrom chungah camera an rawn i, a ril chungah chungchia cu a rak i kual ko. Cuticun a kaa chung in an dawhpiak. 188cm sau a si i, voksa einak in a chuakmi a si tiah doctor nih an chim. A dang zong an um than sual ah tiah si an pek. Atu cu a pum chungah dam lonak zeihmanh a ngei ti lo. Ref: The sun.
Kan Tuah Hnu Lawngah Wayne Rooney Zultu A Si ka Theih
--------------------------
-----------------------------