Becky Kneisll cu hawi tha ngai pakhat a ngei i, a min ah Amy a si. Asinain cancer a ngei i, kum 22 a siah a thi. April 2015 ah a ruak an vui i, mah hnu cun ka ngaihchia tuk a ti. 'Ka nunnak ah a har bik ni a si. Ka unau taktak bantukin ka ruahmi nih a ka thih tak cu ka celh lo' tiah a chim.
'Call centre riantuanmi ka si bantukin rian dingh awk a that lo caah rian ka tuan chih, asinain kaa nuamh lo tuk tikah ka hawile nih lengah chuah i nuamhnak ngei ding in an ka sawm. Lengah cun zan ah kan chuak hna i, wine kan ding hna. Kan i nuam hna i, a hnu ah cun ka hawile umnak zong ka thei ti lo a ti.
Ka hawile ka kawlnak hna ah minung pakhat nih a ka tlaih i, vampang karlak ah ka dawh. Ka lau tuk i, ka lung zong a fim dih, asinain a hmai ka hmu kho lo. Ka si khawh chung in ka doh len zong ah ka tei kho lo. Vampang ah a ka beh chih i, a ka namh chih. Zei tluk in kaa zuam zong ah san a tlai ti lo. Keimah zong zu ka rit pah caah tha tein zong in ka hmu kho tuk lo a ti.
Ngol cang ka ti zong ah a thei ti lo. A ka phoih thluahmah bu zong cun ka au len, asinain ka aw hrimhrim zong a chuak kho lo. Zeihmanh ka ti kho ti lo. Ka mitthli cu a luang thluahmah. Aa lim i, a rannak in a tlin diam. Mui lak ahcun keimah lawng ka tang. A tha therh bu cun a tin ve. A hawile zong a tonmi kong a chim hna lo. Ahodah a ka tlaihhremtu a si ti zong ka thei thai lo a ti.
A thaizing ka thawh cu ka ning zong a zak i, ka thin zong a hung, cun ka pumsa zong an fak dih. Police chimh zong ka ngamh lo. Ka hawile nih an ka theih ahcun ka kong an ka ceih lai tiah aho sin zong ah ka chim lo a ti. Nau ka pawi hnga maw tiah aa chek lengmang ko nain a pawi lo tiah a piah lengmang. Asinain aa theih tikah cu a luan cang.
A riantuannak ah a tlu i, sizung ah an tlik pi ahcun thla ruk chung nau na pawi cang an rak ti. Sizung riantuantu nih a sining an theih tikah a rannak in a nu le police an auh colh hna. Becky nih a tih bikmi cu a tlaihhremtu hi a si. Aho a si zong a theih lo tikah a hmuh tawn lengmangmi zong rak si seh law a thei lo.
Nau cu a ngei i, Becky nih a chimmi cu 'ka fa hi a ka tlaihhremtu mui a keng ko lai tiah ka zumh ko a ti. Nau a ngeih nazi pathum hnuah a fapa Gavin DNA an lak i, a pa kawlnak caah an hman. Asinain ahodah a pa a si timi an thei rih lo. A pa (a tlaihhremtu) zong nih aa phuang lo. Ref: The sun.
A Lung Aa Khonter Tuk Caah President Trump Nih A Phuah Diam
-------------------------------