US, Florida khuapi Tallahassee i Jacob Chapel Baptist Church ah Pastor pakhat Rev. O. Jermaine Simmons Sr cu a mualpho cikcek.
Asinain Pastor rian ka tuanmi ka chia lai lo zeicatiah Pathian nih a ka ngaihthiam ko cang. Pulpit cungin Pathian rian ka tuan hi Khrihfabu caah a thami a si' a ti hna.
Asinain Pastor rian ka tuanmi ka chia lai lo zeicatiah Pathian nih a ka ngaihthiam ko cang. Pulpit cungin Pathian rian ka tuan hi Khrihfabu caah a thami a si' a ti hna.
Tallahassee i Police Department nih an chimmi cu Simmons 37 cu a Khrihfabu chung i upa pakhat a nupi Claynisha Stephens 34 he an sual lioah an poh hna. A sual pimi pasal cu Benjamin Stephens III a si i, an chungkhar in Pastor Simmons khrihfabu chungtel an si' tiah an chim. Benjamin le Claynisha hi a luan cia kum sarih ah a rak i um cangmi an si. 2014 ah Pastor Simmons he an rak i tong i, October 2016 tiang pehtlaihnak an rak ngei.
January 17 ah Pastor Simmons nih a rak len hna. Mah lio ah hin a pasal le a fale cu an um lo. Bia an i ruah hnuah sex an tuah. An tuah cuahmah lioah sianginn leiin phone an rak chawnh hna. Asinain a let duh hna lo. An i manh lo tikah sianginn lei nih a pa cu nan fapa lak a za cang tiah phone an rak chawnh. Benjamin nih a riantuannak in a fapa cu sianginn a va lak i, inn leiah an tin.
An pafa in inn chung an vun luh ahcun an fanu upa bik ihnak khan chungah Pastor Simmons le Claynisha cu an aw-an zai he an i pai, an i hlong i, an i hninsai len ko cu an hmuh hna. Benjamin a thinhung tuk i, 'kan thah lai' tiah an nupa ihnak khan chungah a meithal lak ah a tli. An lau tuk i, a rannak an i hlipphuak duak i, Pastor Simonns cu angki le bawngbi zong hruk manh ti loin a ran khawh chung rang in a zam thluahmah.
Police an auh hna i police nih an tlangtlak hna caah nunnak a him. A thangchiat le a sual bu zong in Patthian rian ka tuan ko lai a ti. 'Pathian sinin ka duhmi cu a ka ngaihthiam ko cang. Ka Khrihfabu chungtel sinah kan halmi hna cu a hmuh zong ka hmuh khawh men i a hmuh zong ka hmu lo kho men ko. Cucu thla ka campiak u. Cun ngaihthaimnak zong kan hal hna' a ti. A Khrihfabu cu an dir i, upat pek in 'Amen' an ti. A Khrihfabu zong nih an cohlan ko.
Pastor Simonns nih a chim thanmi cu 'mipi sinah ka rungveng hlah u zeicatiah ka sual i, ka sual man cu ka liam a hau a ti hna. Jacob Chapel nan sinah bia ka chim. Nan ning kan zahter hna. Midang caah bia ka chim kho lo, asinain ka Khrihfabu caah cun ka chim khawh. Florida Pastor ka si lo. Vawleicung pastor zong ka si lo. Jacob Chapel pastor lawng ka si. Rak ka rungveng hrimhrim hlah u zeicatiah sualnak cu runven ding a si lo a ti hna.
Asinain Pathian riantuan cu ka ngol lai lo. Pulpit cungin Pathian rian ka tuan peng ko lai. Pathian nih a ka auhmi ka si. Misual ka si. Pathian nih a ka sersiam cuahmah lio a si i, Pathian nih a riantuan ding in a ka thim caah hmailei ah kan kal chin lengmang ko hna lai tiah a Khrifhabu sinah a chim. Ref: TCP.
President Trump Nih Thlarau Le Chawva Sullam Aa Fiang Cang
-----------------------------------------------
-----------------------------------------------