Daisy Ho hi kum 20 a si i, a tungtai a tha, a mui aa dawh i duhnung ngaimi a si fawn. Mino te zong a si i, Cardiff University ah a kum hnihnak a kai lio a si i, education le socialogy a cawngmi zong a si. Hong Kong in US ah a rak rami a si. Daisy Ho nunnak ah lunglawmhnak um loin hnabeidonghnak in caan a rak hmang.
A sianginn kai ti hawi Gregory Lloyd nih a chimmi cu 'kan umnak society ah kaa nuam lo. An kan rem lo. Sunghnak le chambaunak in nun lengmang hi a nuam lo tuk' tiah a chim tawn a ti. A konglam a theimi dang nih an chim thanmi cu 'kum tam ngai lungthin le ruahnak leiah a panhhlau kho lo' an ti. Amah le amah aa thah lai i a hawi sinah a chimmi cu 'nun ka zuam ti lo' a ti.
Amah le amah aa thah lai zan ah a hawinu siah ca a kuatmi cu 'zantim tlinnak ding ah minute 5 lawng aa duh cang. Hi hnu suimilam panga chungah na cakuat kan rak leh lo ahcun a thi cang tiin na rak ruah lai. Ka cung i thatnak na tuahmi vialte cungah kaa lawm tuk' tiah ca a kuat. Tlawnpal a rauh in a tial thanmi cu 'nun ka zuam ti lo. Ka tuar tuk cang. Thuachuah zong ka zuam ti lo' a ti.
A hawinu cu California ah a ummi a si i, ca a kuat suimilam, tlawmpal ah Cardiff i a umnak khaan chungah a ruak in an char cang. A donghnak a cakuat cu police nih a laptop ah an hmuh. Police lei upa Philip Spinney nih a chimmi cu 'ngaihchia ngai a si. Amah tein thah ding hrimhrim in timhnak a rak ngei cang timi a cakuat in hmuh khawh a si' a ti.
'Sizung nih an rak zoh i, mental leiah chambaunak a ngei tiah sianghngakchia bawmhnak dangdang an tuahpiak, asinain a cohlan hna lai' tiah a chim chih.
Amah le mah aa thah hlanah a kum thumnak a kai liomi pakhat aa that cang. Daisy Ho hi mah tein aa thatmi a palinak a si. An thihnak le an konglam an hlat hna tikah mental depression ruang deuh ah an si. Chungkhar, hawikawm le unau nih dirkamh le thazaang pek hi University sianghngakchia nih an rak herh tuk. Ref: The sun.
An Hnuh, An Tlaihrem I An Fanu An Thahpiak Beh Hna
--------------------------------------
-------------------------------------