NATO hi vawleicung ah a lian bikmi le a thawng bikmi ralkap hawikawmhnak a si.
Vawleicung ram kip Balkans in Afghanistan tiang an ralkap a chiami an si. Asinain Donald Trump President a tlin hnu in cun hmailei ah NATO dirhmun zeidah a lawh te lai timi chim a har cang, zeicatiah Trump nih NATO hi thazaang a pe lo timi an hmuh.
Vawleicung ram kip Balkans in Afghanistan tiang an ralkap a chiami an si. Asinain Donald Trump President a tlin hnu in cun hmailei ah NATO dirhmun zeidah a lawh te lai timi chim a har cang, zeicatiah Trump nih NATO hi thazaang a pe lo timi an hmuh.
Campaign a tuah lioah a chimmi cu US nih NATO a dirkamhnak ding ahcun NATO ram zong nih zeimawzat tel cu NATO caah pekchanhnak an ngeih awk a si a ti; a chim thanmi cu 'NATO cu 'a hlun' cang a ti. Trump cozah nih European Union a kuai cuahmahmi cungah an lung aa lawm i, khatlei in Russian President Putin tu hna an thangthat. Cucaah Europe hruaitu dirhmun hi zeidah a lawh te lai timi chim chung a har lio te a si.
Atu lio Europe ramchung an buai ngaimi cu Russian tanh pawl an si. Russia nih ralkap thazaang in a doh hna lo nain a chung in tuksawhmi minung hna hmang in Europe ramchung kip ah hnahnawhnak an chuah pi. Ukraine ram Crimea zong a chungin Russia tanh minung an tuksawh hna i, Russia fonhnak tiang an phan. Ukraine in Crimea an lak bantukin Europe ram dangdang zong an chungin buaiter viar hna i, lak a duh dih hna. NATO thawn le thawn lo cungah Europe himnak cu aa hngat cang.
Naite i EU Summit an tuah lioah France President François Hollande nih a chimmi cu 'US he pehtlaihnak a kawlmi cu mipi nih kan in theih dih ko hna. Trump he aa pehtlaimi cu hmailei caah ruahchannak a um ti lo' a ti. German foreign minister nih a chim vemi cu 'kum zabu 20 vawleicung chan cu a dih cang' a ti ve. Trump chianak an hmuh tuk lioah Uk tu cu US cungah ruahchannak an ngei ko. Prime Minister Theresa May nih a chimmi cu 'NATO hi kan zapi huap rungvengtu a si. US le Britian nih lungthin khat tein kan dirpi ko' tiah a chim.
President Trump zong a kam ah a dir i, a lu a sukpiak. UK nih an ruah thanmi cu Trump cozah lungthawhternak caah cun NATO ram pawl zong nih NATO caah kan pekchanhmi hi a tam deuh awk a si tiah an zumh. Atu tiang ahcun timh ning tein NATO caah tangka pemi hi ram 26 chungah UK, Greece, Poland le Estonia an si. Asinain ram 22 zong ni kum khan cun an vun karhter ngai cang. A pekchanhmi a thangcho chin lengmang ko lai tiah zumh an si.
NATO ram nih an pehchanhmi tangka a tam deuh ahcun President Trump kaa an phih khawh deuh lai. Trump ruahnak ahcun US tangka in NATO hi vanlawng aa citmi bantukin an si. Campaign a tuah lio hrimhrim khan US lawng nih tangka liam loin NATO ram cio nih tam deuh in pekchanhnak ngei hna seh ti kha a chim lengmang. Asinain NATO upa cheukhat nih ruahchannak an ngeimi cu Trump hi a riantuantu upa nih an forhfial ko lai an ti.
Defense Secretary James Mattis hi 2007 in 2009 tiang ah NATO's Supreme Allied Commander of Transformation a si i, NATO a dirkamh ngaimi a si. US Secretary of States Rex Tillerson zong hi NATO a dirkamh ngaimi a si. Biakamnak a tuah lio zongah NATO cungah a lungput fiang tein a chim i, EU upa zong an i lawm. EU ram nih an ruahmi cu Trump hi a riantuantu upa nih an mongh khawh te ko lai an ti. Asinain an hnangam thlu ve hlei lo. US hawi tha tuk Australia hmanh a tluanh duh lo ahcun Mattis le Tillserson zong nih an mong kho ngai hnga maw tiah an lunghrinh than.
Cucaah NATO ram cio nih an ralkap caah tangka an hman dingmi tam deuh cio an pek a hau ko. Naite ah UN ah US ambassador Nikki Haley nih fak taktak in Russia a vun phomhnak nih EU ral a thatter than lai. EU caah thawngtha ngaingai a si. Ukraine kongah US nih Russia a vun phomh tikah President Trump dirhmun fiang tein an hmuh cang lai tiah zumh a si. Asinain a tuanh deuh rih caah biachahnak an ngei kho rih lo. An zoh ko rih lai. Naite ah Defence Secretary Mattis zong Asia ah a tlawng i thazaang a pek hna. Trump hi NATO leiah aa mer chin lengmang ko a timi zong an um cang.
Europe nih Trump lungthin zoh in tangka tam deuh thawh cio kan hau cang timi an fiang. Cun President Trump nih NATO hi a kan hlaw hrimhrim lai lo timi zumh ngamnak zong an ngei lai i, neihniam deuh in Trump he riantuan kan hau timi zong an theih cang lai. Ref: CNN.
US DF Mattis Japan Tlawnn Cu Taluk Caah Hnak Fei Chunh Bantuk A Si
-------------------------------------