Israel Prime Minister Benjamin Netanyahu le Hollywood Action Star Chuck Norris cu nithumni ah Jerusalem ah tonnak an ngei. 1980 hrawng actor minthang he an i ton cu nih le capo lawng te an rian. Chuck Norris cu ahopoah nih theih ciomi minthang ngai Actor pakhat a si.
A film zong an tha i, raldoh le tukvelh film deuh lawng te an si hna. Kum 76 a si cang. Asinain a thawng i, a no ngaimi a lo rih. Prime Minister Benjamin Netanyahu he hawikawm an si i, Chuck Norris nih a dirkamh lengmangmi zong a si. An i ton cu nih le capo lawng te an rian khim ve.
Netanyahu nih 'Israel cu kan thawng i hrawh awk kan tha ti lo' tiah a nih pah in a ti. 'Kan pawngah cun security zong umter an hau ti hme maw' tiah capo in a chim chih. A chim duhmi cu Chuck Norris hi a film kip ah a thawng i, thuat zong a thiam. Cucaah Netanyahu nih nangmah pawngah cun security zong umter an hau ti hme maw tiah a chim duhnak a si.
Norris nih a nupi Gene O'Kelly zong nih Netanyahu he a tonter hna. A luan cia kum hnih lio i Israel thimnak an ngeih lioah Chuck Norris nih Netanyahu vote pek ding in a rak tanpi len. PM Netanyahu nih a philh lo. An i ton cangka in 'na rak ka dir pimi cungah kaa lawm' tiah lunglawnhnak a chim.
Norris nih a lehmi cu 'kan dir pi lengmang ko lai. Seih chiah!' a ti ve. An nupa in Israel nitlak vampang zong an va leng. Twitter in a hnuah Churck Norris nih a tialmi cu 'Israel Prime Minister Benjamin (Bibi) Netanyahu he caan hman ti cu ka caah upat awktlak ngai a si. Pathian nih thluachuahnak in pe ko seh, Chuck Norrsi.' Ref: TOI.
Trump Nih SC Caah A Thimmi Neil Nih Trump Lehlam A Phomh
---------------------------------------