President Trump nih US Supreme Court biaceihtu caah Neil Gorsuch a thim. Democrat Senator Richard Blumenthal le Neil Gorsuch cu Washington Capitol Hill ah February 8 ah tonnak an ngei i, atu lio Muslim khamnak kong an ceih.
President Trump nih biaceihtu a soiselmi kongah Neil Gorsuch cu zeitin dah na ruah ning a si tiah an hal. Neil Gorsuch nih a chimmi cu 'President Trump nih fak tuk in biaceihtu a soiselmi hna cu thachia ngai le dawhcah lo ngai biachim a si ko' tiah fak ngaiin Senator Richard Blumenthal sinah a chim.
President Trump nih Muslim khamnak nawl a chuahmi cu tuan deuh ningani ah khan biaceihtu James Robart nih caan karlak a kham chung ve. Trump nih 'US ah tapung tteihnak le dohnak zeimaw tiin a can ahcun James Robart le kan ram system ruangah a si lai' tiah a chim phah ve.
Nihnihni ah Trump Muslim khamnak kongah Federal biaceihtu le Trump cozah tanpitu Justice Dapartment biaalnak an ngei. San Francisco i Appeals Courts biaceihtu pathum nih an bia an ngaihpiak. Biachahnak an tuah rih lo. Trump tanpitu Justice Dapartment nih an tei hna ahcun Muslim khamnak nawl a chuahmi a nung than lai.
Asinain Federal biaceihnak nih an tei hna ahcun zei tiang dak an kham chung piak rih lai. Cheukhat nih cun Supreme Court tiang a phan lai tiah an zumh nain cheukhat nih cun hmai zarh chungah cun a fiang ko cang lai an ti. Ref: VOA News.
US Supreme Court Hmailei Biakhiaktu President Trump Nih A Thim Cang
-------------------------------------
------------------------------------