Angelina Jolie le Brad Pitt cu an fale kongah an raldohnak a dih rih lo. Jolie nih an fale vialte amah zohkhanhnak tangah umter dih a duh hna, asinain Brad nih kan pahnih zohkhanhnak tangah um ko hna seh tiah biaceihnak zung ah an i doh cuahmah lio a si.
Thla zeimawzat chung an i doh hnuah Hollywood Star Brad Pitt caah ruahchannak a um chin lengmang. Angelina Jolie he an fale hmun khat ah zohkhanh ti kho ding in biaceihnak nih pek dawh in an chim. Jolie lawng si loin Brad Pitt zong an fale zohkhanhnak nawl ngei ko hna seh tiah biachahnak an tuahpiak khawh hna ahcun an raldohnak zong a dai ve cang lai.
Brad nih a tei ahcun Jolie caah sungh ngai a si lai. September ah an i then ah khan Jolie nih Maddox, Shiloh, Vivienne, Knox, Zahara and Pax hi keimah zohkhanhnak tangah an um thai cang lai tiah biaceihnak a rak halmi a si. Brad he hrawm ding hrimhrim kha a ruahnak ah a rak chia lo.
Brad Pitt sihni zong an thatho ngai. Amah tein a fale a zohkhanh kho cang hna lai an ti. Chunglei kong a theimi nih an chimmi cu Brad Pitt caah teinak taktak a si. An fale zohkhanh ti ding hi a duh cemmi a si. Atu cun a doh hnawh chanmi hlawh a tling cang lai an ti. Jolie nih cun Brad le a fale hi zungzal in thenter a duh hna, asinain Brad nih cun kha tiang kha a ruat lo.
Hmun khat ah an fale zohkhanh ti kha a duhmi a si. "Hmailei kong kan chim kho lo; aa thleng than khomi a si. Asinain atu tiang rih ahcun Brad Pitt caah thatnak lam a um ko' tiah a sihni nih an chim. Ref: The sun.
Brazil Bawlung Chuih Thiam Neymar Ngaknu Aa Sum Kho Ti Lo
-------------------------------------
---------------------------------------