Kim Jong-nam a thattu Indonesian nu Siti Aishah, 25, cu $90 in an hlanmi a si tiah Indonesian police nih an chim. Siti Aishah hi Malaysia ah maalit rian a tuanmi a si i, Kim Jong-nam thah ding in an hlan ah hin capo seihnak tuah ding (prank) bantukin a ruah.
Minung ka that lai timi hrimhrim a thei lo a ti. Video zeih i youtube tbk ah thlahmi capo sawhsawh bantukin ka ruah a ti. Deputy Ambassador Andriano Erwin zong nih a chimmi cu lainawng ding in timhnak kan ngeih ah hin capo seih ding ah ka ruah. Lai ka nawng lai timi hrimhrim ka ruat lo a ti tiah a chim chih.
Indonesian nu Siti Aishah le a hawinu Doan Thi Huong 28 hi maalitnak i an riantuannak ah an hlanmi hna an si tiah the sun nih a phuan. Police nih nizan ah an chimmi cu Kim Jong-nam an thahnak ah tihnung tukmi sivai (Toxic Nerve Agent) an hman a ti.
Kan umtu le kan si ning zoh tikah tih awk a um lo tukmi kan si ruangah a kan hlanmi a si lai tiah kan zumh an ti. Huong hi Vietnamese a si i, a chungkhar theih loin Malaysia ah a ra i, rian a tuan vemi a si.
A biachim hi aa kalh ngai. Lainawng ding in kan ruat lo. Capo ah kan ruah an ti, asinain Kim Jong-nam a hmaiah sivai an kah khawh ahcun an zam i, toilet ah a rannak in a kut an i tawl. Kim Jong-nam cu sivai in a rak ri cang i, Airport riantuantu hna sinah bawmh a hal cang. Ngaknu pahnih tu cu an kut an i tawl colh ve.
Asinain minung pakhat cu sivai aa tongh sual ve i, a luak zong a luak len ti a si. Kim cu a hma a fak chin lengmang cang. 'A fah ka celh lo, a fah ka celh lo! Ti in ka hmaiah an ka kah' tiah a chim. An chek dih hnuah Malaysia official nih Kim hmai le mit ah sivai an hmuh.
Vietnam leiin Huong a pa Doan Van Thanh nih 'ka fanu nih a theih buin a tuah hrimhrim lai lo. Hi bantuk a tuah ding cu ka zum hrim lo. Mi ralchia ngai a si. Chizawh le uitlak a hmuh hmanh ah a aimi a si' a ti. College a kai ding a si i, kan chungkhar chimh loin Malaysia ah a rak zuangmi a si a ti. Ref: The sun.
Israel Sungthoh Mossad Nih Imad Mughnijeh An Dawinak Le An Thahnak Kong
-------------------------------