October 31 in Luke Harlow nih college kai lio ngaknu dawh te Kayleigh Haywood 15, cu facebook le WhatsApp nih soilem hram aa thok. November 13 ah Kayleigh Haywood a nu le pa nih an fanu cu Ibstock Community College ah a va thlah i, ka hawile sinah ka um lai tiah a chim hna.
November 14 zing tiang ahcun a chungkhar he phone an i chawn ko. November 15 ah a hmutu pakhat nih a chimmi cu minung pakhat nih vawlei ah a nam chih lio ka hmuh a ti. Midang pakhat nih a chim thanmi cu 'mummy' tiah a auh thawng ka theih tiah a chim ve. Asinain tu bantuk tiang in thil a cang dingmi ahcun ka rak ruat lo a ti. Biaceihnak zung i an phuannak ahcun kha lio cu Stephen Beadman nih a rak tukvelh lio a si.
Zing lei 9:300 am ah Kayleigh Haywood iphone a rawkmi cu a tlaihhrem i a that behtu inn pawng ah an hmuh. November 16 ah Kayleigh Haywood a tlaunak kongah Harlow le Beadman cu an tlaih hna. An fanu a thih le thih lo an theih rih lo caah a nu le pa Stephanie Haywood le Martin Whitby nih inn ah rak tin cang tiah an fanu cu thawngthanhnak an tuah.
November 18 ah police nih Stephanie an thahmi ngaknu thilri an hmuh i, lainawn a si ko lai tiah an chim. Police 300 leng nih ni thum chung an kawl hnuah zan suimilam 10 ah Kayleigh ruak cu burbuk lakah an va hmuh. A thihnunnak a si caah fak tuk in a rak doh ve hna. Beadman cu a hmai zong an kok dih. Police nih an tlaih hna tiang ah tlakrawh in a rak tuknak hma zong a dam naisai rih lo.
Police nih Luke Harlow 27 le Stephen Beadman 28, cu lainawng zong nan si i, tlaihhrem hmang zong nan si tiah sual an phawt hna. January 18 ah Kayleigh cu Measham ah a ruak an vui. April 4 ah biaceihnak zung ah an chuak i, kan tlaihhrem i kan thah ko tiah an i pheh lengmang hnuah an puan than. June 27 le 28 ah Beadman le Harlow nih Kayleigh cu an inn ah an hren i, an tlaihhrem i an thah beh tiah sual phawt an si.
Beadman cu tlaihhrem he lainawn he a si caah nunchung thongthlak ding in a bia khiahpiak a si. Luke Harlow cu kum tling lo minung na soilem i, na inn ah thong na thlak i thihnak tiang na phakter caah tiah kum 12 thongthlak ding in a bia an khiahpiak ve.
Kayleigh nu cu a celh lo tuk. 'Ka tuarnak hi hmurka in chim thiam ding le chim awk tha a si lo. Kan fanu an kan lakpiakmi cu zeitik hmanh ah kan hmu kho ti lai lo' tiah lungfak ngaiin mipi hmaiah a chim. Ref: The sun.
A Inn Ah Kum Tling Lo Aa Tuahter Lengmang Hna Caah Taza An Cuai
----------------------------------