Ralkap kut in Rohingya an tuarnak cu a dai hlei lo. An tuar ning a fak ko. Pope Francis zong a um kho ti lo. Nithumni ah 'an zumhnak ruangah an thahmi hna le an hremmi hna cu a tha lo ngai. Rohingya hi mi tha le mi dai an si nain kum tam pi chung an tuar cang' tiah a vun chim.
"Kan uanau le kan farle hna caah thla kan campiak hnalai tiah a chim chih. Kan hnu zarh ah UN rights nih report an peknak ah Kawl ralkap nih a za leng in Rohingya an thah hna an ti. A thah ning hna, an hrem ning hna le an tlaihhrem ning hna report vialte an zoh tikah Kawl cozah nih ramchung in thianh dih an duh ko hna tiah an ruah.
Kawl ralkap nih biatak tein an doh hna thla li hnu in Bangladesh ah 70,000 leng an zam cang. Kawlram ramri hrawnghrang ah a zammi zong an tuak tikah 22,000 an si. Voi 200 hrawng biahalnak an tuah hna tikah an chimmi cu ramchung ralkap nih an nu le an tlaihhrem hna ah hin an namte in an fale hna an thahpiak len hna.
Kawlram cozah nih nih cun 'ralkap sual an puhnak hna kongah state commission nih hlathlainak an tuahmi report hi a hmaanmi a si awk a si tiah an ti. An i pheh peng ve. UN top official leiin Adama Dieng nih a chimmi cu Kawlram cozah commission lei nih cun zeihmah hlathlainak an tuahmi report an hmu lo, asinain OHCHR nih an tuah fatin in tehte tam tuk kan hmuh peng fawn' tiah a chim.
Pope Francis nih cozah zong nithumni ah a a vun timi hna cu hngakchia firnak (child trafficking) hi doh u. Hihi cu zawtnak bantuk a si i, ningzak zong a si i, in awk a thalomi sualnak taktak a si' a ti hna. Ref: Frontier news.
President Trump Muslim Khamnak Hlawh A Tling Lo
----------------------------------