Nikhatni ah Gaza hmunkhur Hamas tapung nih rocket in Israel an kah hna. An kahnak ruang cu tuan deuh ah Hamas tapung nih an bochan ngaimi bom ser thiam pakhat cu theih lomi nih a puah hnawh i, ni zeimawzat chung hliamhma a in hnuah nikhatni ah a thi. Israel lunghrinhnak in rocket in an kah hna.
Israel nih an raltuknak vanlawng he tank he an pok hnawh hna i, Gaza ah cun an phomh hna. Israel PM Netanyahu nih a chimmi cu Gaza in rocket in a kan kahmi hi kan ing kho hna lai lo. Fak taktak in kan lehrul hna lai tiah London in a vun chim. British PM May he an i ton lio a si. President Trump zong a ton lai.
Mr. Netanyahu nih a chim thanmi cu 'rocket in a kan kapmi cu kan ngaithiam kho hna lai lo' a ti. Gaza hmunkhur Hamas umnak hmun nga an phomh hna. 'Kan ram security himnak ahcun a herh ning paoh in kan i zuam lai. Ahohmang zong kan ing kho hna lai lo' tiah IDF upa pakhat nih a chim.
Tu zing 9:00a.m in Gaza in rocket an rak kah i, Israel Ashkelon khua pawngah a tla i, aa hliammi cu an um lo. A rauh hlanah Israel raltuknak tank nih Gaza in chak-thlang leikam Hamas hmunkhur pakhat an hrawhpiak colh hna. Caan zeimawzat a rauh than hnuah an raltuknak vanlawng nih Hamas hmun pathum an phomh than.
Gaza ah Hamas tapung an umnak hi a luan cia kum hra hrawng khan a si cang. Israel doh le hrawh hi an hmuitinh cem a si. Vawlei tangin khor an cawh i, vawlei chungin Israel doh aa zuammi zong an si i, rocket zong in an kah lengmang. 2014 ah Israel nih cung he tang he fak taktak in an rak phomh hna hnuah an dai deuh. Asinain an cawlcang lengmang ko rih. Ref: TOI.
Fox News Nih Putin "Lainawng" A Timi Kongah Ngaihthiam Hal Seh!
--------------------------------