Fox News leiin Bill O'Reilly nih President Trump biahalnak a tuah i, ningani ah an biahalnak an chuah. US tuahsernak le Russian President Putin tuahsernak aa tluk ko tiah Trump nih a chim. Putin hi human rights kong le uknak kongah a minchia ngai i, ramchung nawlngeihnak valte a kut chungah a hum dihtu zong a si.
Russia lawng hi maw a sual ah nan ruah? US ah mithattu tam tuk an um ko. Kan ram hi sualnak ngei lo ah maw na ruah?' tiah President Trump nih a leh.
Bill O'Reilly nih President Trump cu a thawh i, 'Russian President Putin tham cu mithattu le lainawng pei a si cu!' tiah a hal. Trump nih a lehmi cu 'lainawng tam tuk an um si. Kan ram hi a thiang ngai le sualnak ngei lo ah maw na ruah' tiah a leh. President Trump nih Putin a hmuh ning hi aa thleng hlei bal lo.
Tuan deuh lio December 2015 ah Morning Joe ah biahalnak an rak tuah than i, a rak lehmi hna cu 'a ram a hruai hna. A ram hruaitu pakhat zong a si i, kan ram hruaitu he cun aa dang ko. Joe, kan ram zong nih mi tam tuk a thah ve ko hna. Na theihmi zong a si ko. Vawleicung ah thatlonak tam tuk a um. Lainawnnak an um len ko hna' tiah Trump nih a chim.
House Intelligence Committee ah chungtel pakhat a simi US Rep. Adam Schiff nih cun 'Trump biachimmi hi an hmaan lo' a ti. A chim thanmi cu Trump nih Putin a runvennak a voihnihnak a si cang. Putin cu lainawng a si ti a thei ko nain US he aa dannak a um lo ti cu tiah Schiff nih CNN ah a chim.
Asinain Fox News nih biahalnak an tuah lioah Trump nih a chimmi cu 'minung ka upat ruangah an duhnak in ka kal lai tinak a si hlei lo' tiah a chim than. 'A ram ah hruaitu pakhat a si bantukin Russia he riantuan ti cu a tha deuh thiamthiam ko. ISIS dohnak ah a kan bawmh ahcun thil tha ngai ding a si ko. Asinain kan kal ti kho lai maw, ka thei lo' tiah Trump nih a chim.
Nirukni ah President Trump le Russia President Putin cu phone in biaruahnak an ngei. ISIS dohnak kong le a dangdang an ceih ti. Ref: CNN.
"Missile Nih Ruahsurh In A Surh Hna Lai": Iran Ralbawi Amir
------------------------------------
----------------------------------------------